Өлкөдө бир жуманын ичинде 336 айдоочу мас абалында кармалды

Соңку бир жуманын ичинде 336 айдоочу мас абалында кармалды. Бул тууралуу Жол кыймылынын коопсуздугун камсыздоо башкы башкармалыгынын басма сөз кызматынан билдиришти.

Маалыматка ылайык, 19-февралдан 25-февралга чейин административдик жоопкерчиликке 23 миң 401 айдоочу тартылган. Анын 336сы мас абалында унаа башкарып кармалган. Андан тышкары 1 миң 157 унаа айып аянтчасына токтотулган.

Ошондой эле басма сөз кызматынан бир жумада жол эрежесин бузуп, кармалган айдоочулар төлөгөн айып пулдун суммасы 15 миллион 942 миң 400 сомду түзөрүн кабарлашты.

Автор: Бактыяр Кыдыралиев