Күрөш боюнча Азия чемпиондугу: Кыргыз балбандардын алгачкы атаандаштары белгилүү болду

Бүгүн, 27-февралда Бишкек шаарындагы Каба уулу Кожомкул атындагы спорт ордосунда спорттук күрөш боюнча Азия чемпиондугу старт алды. Мелдештин алгачкы күнүндө грек-рим күрөшү боюнча 5 медалдар топтому ойнотулат.

Анда спортчулар 55, 63, 77, 87 жана 130 килограммга чейинки салмак ченинде күч сынашат. Кыргыз өлкөсүнөн килем үстүнө бүгүн Жоламан Шаршенбеков, Урмат Аматов, Эсен Асанов, Азат Бейшебеков жана Мурат Рамонов чыгат.

Кыргыз балбандардын атаандаштары:

55 килограммга чейинки салмак ченинде:

Жоламан Шаршенбеков - Хорлан Жаканша (Казакстан)

63 килограммга чейинки салмак ченинде:

Урмат Аматов - Юнг Докйоңг (Түштүк Корея)

77 килограммга чейинки салмак ченинде:

Эсен Асанов - Сенгван Ли (Түштүк Корея)

87 килограммга чейинки салмак ченинде:

Азат Бейшебеков - Юя Маета (Япония)

130 килограммга чейинки салмак ченинде:

Мурат Рамонов - Миминжон Абдуллаев (Өзбекстан).

Автор: Нурсултан Нурболот уулу