ӨКМ: "Сокулукта эки аял муздун үстүнөн өтүп баратканда муз жарылып, сууга чөгүп каза болду"

Бүгүн, 1-мартта Чүй облусунун Сокулук районундагы көлгө эки аял чөгүп каза болду. Бул тууралуу SUPER.KG'ге Өзгөчө кырдаалдар министрлигинин маалымат кызматынан кабарлашты.

Маалым болгондой, саат 10:45 чамасында куткаруучуларга райондогу Военно-Антоновка айылында жайгашкан көлмөгө эки аял түшүп кеткендиги тууралуу маалымат түшкөн. Аталган жайга ӨКМдан 10 куткаруучу барып, саат 13:23тө суудан эки аялдын жансыз денесин таап чыгып, Ички иштер министрлигинин кызматкерлерине өткөрүп беришти. Каза болгондор 1973-жылы туулган Г.Б. жана К.А. аттуу жарандар болушкан.

Чүй ОИИББинин маалыматына караганда, алар үстүн муз каптап турган суунун бир жээгинен экинчи жээгине өтүп баратканда муз жарылып кетип түшүп кетишкен.

Автор: Жамалидин Парманкулов
Фото: ӨКМнын маалымат кызматы