Белгилүү "Азия микс" КВН командасынын капитаны Элдияр Кененсаров орусиялык "Эмне? Кайда? Качан?" оюнуна катышып жеңүүчү аталды

Белгилүү "Азия Микс" КВН командасынын башчысы Элдияр Кененсаров Орусиянын Биринчи каналынын "Эмне? Кайда? Качан?" аттуу интеллектуалдык оюнуна катышты. Бул тууралуу ал өзүнүн Инстаграмдагы баракчасына жарыялады.

Орусиянын Биринчи каналынын түз эфиринде 4-мартта саат 22:30да (Бишкек убактысы боюнча саат 01:30да) орун алган оюнда Элдияр Кененсаров, орусиянын КВН жылдыздары жана белгилүү актёрлор Михаил Галустян, Гарик Мартиросян, Вадим Галыгин, Сергей Кашников, Алексей Кривеня менен биргеликте оюн көргөздү.

Жазгы сезондун алгачкы оюну болгон бул эфирде оюнчулар Орусиянын шаарларында жана Беларусь өлкөсүндө жашаган телекөрүүчүлөрдүн суроолоруна жооп издешти. Оюндун жыйынтыгында КВН жылдыздарынан түзүлгөн команда 6:4 эсебинде жеңишке жетти.

Эң мыкты оюнчу деп командага 3 упай алып келе алган белгилүү "Таганрог" КВН командасынын мүчөсү Сергей Кашников аталды. Жеңиш үчүн оюнчулар "Хрусталдык атом" сыйлыгын алышты.

Эмне? Кайда? Качан? - интеллектуалдык оюну алгачкы жолу 1975-жылы 4-сентябрда Биринчи каналдын эфирине чыккан. Аталган оюнда 6 адамдан турган топ, телекөрүүчүлөрдөн келген суроолорго 1 мүнөттүн ичинде жооп берүүгө тийиш. Туура жооп берген тарап упай топтоп акчалай сыйлыкка ээ болот.

Элдияр Кененсаров жана КВН командасы "Эмне? Кайда? Качан?" оюнунда болушту

Автор: Айзада Тураркулова

07:29 05-03-2018

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 307 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 692 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1017 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 944 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 529 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 1955 0

Архив

Комментарийлер (4)

bibi87

2018-03-05 15:58:15

Молодец

TazaKyrgyz

2018-03-05 19:24:59

Мен деп тошун какпаган,акырын журуп баарына жеткен мен сыйлаган инсан.Бар бол!Азаматсын Элдияр

Agayu

2018-03-05 20:31:05

Азаматсын

Pchelka85

2018-03-06 14:19:40

"Жоону чапса эр чапты , аты калды Манаска" дегендей. Азия Микс командасынын башка мучолорун да котормолоп колдойлу. Эльдияр, молодец. Иштерине ийгилик!!!!

Комментарий калтыруу үчүн өз ысымыңыз менен кириңиз же каттоодон өтүңүз.