Кадамжай районунда Портер жана Матиз сүзүшүп, 3 адам ооруканага жеткирилди

Баткен облусундагы Кадамжай районунда кечээ, 6-март күнү болгон жол кырсыгынан 3 адам жабыркады. Бул туурасында Баткен облустук жол кыймылынын коопсуздугун көзөмөлдөө бөлүмүнөн маалымдалды.

"Болжол менен саат 11:00 чамасында Daewoo Matiz жана Hyundai Porter үлгүсүндөгү унаалар кагылышып, натыйжада жеңил унаадагы 2 жүргүнчү жана унаанын айдоочусу жаракат алган. Кырсык болгон жерден жабырлануучулар ооруканага жеткирилип, учурда абалдары туруктуу", - деп билдирет аталган бөлүмдөн.

Ал эми Hyundai Porter унаасынын айдоочусу жаракат алган эмес. Учурда кырсыктын келип чыгуу себептери аныкталып, тергөө иштери жүрүүдө.

Автор: Айсалкын Качкынбекова