Мамлекеттик бажы кызматынын айрым кызматкерлерине карата кылмыш иши козголду

Мамлекеттик бажы кызматынын айрым кызматкерлерине карата кылмыш иши козголду. Бул тууралуу бүгүн, 15-мартта Башкы прокуратуранын басма сөз кызматы билдирди.

Маалыматка ылайык, 2017-жылы “Ош” бажы кызматынын өкүлдөрү Бирдиктүү автоматташтырылган маалымат системасы аркылуу фактуралык баасы 49 миң доллардан ашуун товарды ташып кирүүгө байланыштуу транзиттик декларацияны негизсиз жүргүзгөн деп айыпталууда. Алардын бул аракеттеринин натыйжасында бюджетке 686 миң сом зыян келген.

Бул боюнча Башкы прокуратура тарабынан 204-берене (контрабанда), 3-4-берене( кызматтык абалынан кыянаттык менен пайдалануу) жана 315-берене (кызматтык жасалмачылык) менен кылмыш иши козголгон.

Автор: Кенжебай Сатканалиев