Улакчы Урмат Мусаев: "Айрым балдарыбыз жаракат алып калып, оюндун ыргагы бузулуп кетти"

Бүгүн, 19-мартта Бишкек шаарындагы "Аккула" ат майданында Нооруз майрамына карата көк бөрү боюнча республикалык мелдештин жарым финалдык беттештери орун алды. Оюн учурунда жаракат алып, оюндан четтеп калган "Биримдик Аю" командасынын улакчысы Урмат Мусаев кырсыктап калганы жана бүгүнкү оюн тууралуу SUPER.KG порталына айтып берди.

"Ынтымак" менен татыктуу оюн болду. Биздин команда мелдештин башынан баштап эле күчтүү командалар менен ойноду. Бирок ал беттештерден кийин деле балдар чарчаган жок. Биздин коргонуубуз бир аз начар болуп калды окшойт. Атаандашыбыздын казанына көп улак кирбей калды. Оюнду башында жакшы баштаганбыз, анан айрым балдарыбыз жаракат алып калып, оюндун ыргагы бузулуп кетти. Өзүм да кырсыктап, оюндан четтетилдим. Тайказандын жанында ат секирип кетип, кулап калдым. Азырынча эмне жаракат экенин биле элекмин, дарыгерлер колумду таңып коюшту", - дейт Урмат Мусаев.

Эске салсак, Урмат Мусаев буга чейин командасынын даярдыгы тууралуу айтып берген.

Айта кетсек, "Аккула" ат майданында жарым финалдын алкагында "Ынтымак" - "Биримдик Аю" жана "Достук" - "Арашан" командаларынын беттештери орун алды. Анда Урмат Мусаевдин "Биримдик Аю" командасы аттандашына 2:1 эсебинде жеңилип калды. Ал эми "Достук" менен "Арашан" командасынын беттеши 15:1 эсебинде жыйынтыкталды.

Эми мелдештин финалында Таластын "Ынтымак" командасы Оштун "Достук" командасы менен беттешсе, 3-орун үчүн беттеште Чүйдүн "Биримдик Аю" жана "Арашан" командалары күч сынашмакчы.

Бүгүн, 19-мартта болгон беттештердин жыйынтыгы, жарым финал:

"Ынтымак" - "Биримдик Аю" - 2:1;

"Достук" - "Арашан" - 15:1.

21-мартта өтө турган беттештер:

3-орун үчүн беттеш:

Саат 10:00дө "Биримдик Аю" - "Арашан"

1-орун үчүн беттеш:

Саат 14:00дө "Ынтымак" - "Достук".

Нооруз-2018: "Ынтымак" менен "Достук" көк бөрүнүн финалында кездешмей болушту

Автор: Нурсултан Нурболот уулу

20:11 19-03-2018

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 379 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 488 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 928 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 841 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 500 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 2832 0

Архив

Комментарийлер (5)

travm

2018-03-19 22:31:40

Молодцы Кыргызымдын жигиттери Оштуктар

aza84

2018-03-19 23:04:30

Ынтымак чемпион

roni.07

2018-03-19 23:37:21

Бомбардир ким болду экен?

33SUUN

2018-03-20 00:41:57

Бакылдаган Достукту суу кечкенде коробуз. Айтып алган созунорго тургула эми Достук.Каршылашыбыз биз ойлогондой эмес алсыз экен дединер.Оюнда ар кандай ситуация болот.Ынтымак менен Достук финалда!

Talaschanka

2018-03-20 07:11:18

Достукту жалан жаны чыгып келе жаткан слабый командалар менен ойнотуп финалга чыгарышты бул адилетсиздик. Коробуз Эми финалда кантишээр экенин. Сасык саясат кок боруго да жеттин!

Комментарий калтыруу үчүн өз ысымыңыз менен кириңиз же каттоодон өтүңүз.