"Кызымдын өлүмүнө тиешеси бар мугалимдер мыйзам алдында жооп бериши керек" дейт моюн орогучуна асынып алган кыздын атасы

6-март күнү Бишкек шаарынын Арча-Бешик конушунда өз үйүндө асынып алган 9-класстын окуучусу Жаркынай Жеңишбекованын атасы Жеңишбек Муктаров SUPER.KG порталына "кызымдын өлүмүнө тиешеси бар мугалимдер жоопко тартылышы керек" деп кайрылды.

"Кызым болду, келбес жакка кетти, аны кайрый албайм. Бирок экинчи ошондой окуя кайталанбасын, мугалимдер мындай иште этият болсун, кызымдын өз жанын кыюусуна жеткирген мугалимдер мыйзам чегинде жазасын алсын дейм. 500 сом уурдап алды деп менин кызымдан шекшип жатышса, окуучулардын алдында текшеришпей, кабинетине алып барып анан бут кийимин чечип текшеришсе болот эле го.

Кызымдын өлүмү боюнча Ленин райондук ички иштер башкармалыгына барып, кимдин канчалык күнөөсү бар экени иликтенсин, күнөөлүү мыйзам чегинде жазага тартылсын деп кайрылдым. Кызымдын өлүмүнө себепкер мугалимдерди каматып жиберейин деген оюм жок. Ушул сыяктуу окуялар мектептерде көп болот. Мындан ары мугалимдерге кызымдын өлүмү сабак болсун деп жатам", - дейт маркумдун атасы.

Окуя боюнча Сокулук районунун билим берүү бөлүмүнүн башчысы Камшыбек Эмилбековго кайрылганыбызда төмөндөгүдөй пикирин билдирди.

"Окуя болгондон кийин биз да барып чоо-жайын билдик. Кыздын өтүгүнөн чыгып турган акчаны класс жетекчи көрүп шашып кетип ала коюптур, анын күнөөсү ушул. "Ала коюп эле кызды сыртка чыгарып кеттим. Аңгыча апасы келип калды анан чогуу сүйлөштүк" деди. Кыздын ата-энеси бирди айтат, окуучулар башканы айтат, класс жетекчи да өз чындыгын айтат. Муну укук коргоо кызматкерлери териштирип, бир жыйынтык чыгарышы керек. Кылмыш иши козголгондон кийин мугалимдердин териштирүүгө укугу жок экен. Ошондуктан окуяга катышы бар мугалимдерден түшүнүк кат алып эле токтоп турабыз", - дейт бөлүм башчы.

Ал эми Бишкек ШИИББи учурда иликтөө иштери жүрүп жатканын кабарлады.

"Ал иш боюнча азыр тергөөчүлөр иштеп жатышат. Иликтөө соңуна чыкканда анан ага карата юридикалык баа берилет. Эгер күнөөсү болсо кесибине шалаакылык мамиле кылгандыгы үчүн жоопко тартылышы мүмкүн", - дейт ШИИББдин маалымат кызматы.

Автор: Сүйүн Кулматова

19:45 26-03-2018

Жазылуу

РУБРИКАДАГЫ СОҢКУ КАБАРЛАР

19:53 2025-06-18 | Коом жана турмуш

Жети-Өгүздө милиция кызматкерлери адашкан туристтерге жардам көрсөтүштү 60 0

19:16 2025-06-18 | Түркүн дүйнө

Иран президенти Катардын эмирине кат жолдоду 713 0

18:46 2025-06-18 | Түркүн дүйнө

Шерзат Болаттын үйүнүн өрттөлүшү: Министр иликтөөнүн жүрүшү жөнүндө айтты 487 0

18:15 2025-06-18 | Түркүн дүйнө

Газада акыркы 24 саатта 140тан ашык киши набыт болду 539 0

17:51 2025-06-18 | Түркүн дүйнө

Путин Иран менен Израилге ортомчу болууга даяр экенин ырастады 798 0

17:30 2025-06-18 | Кылмыштар, кырсыктар

Балыкчыдагы жер тилкеси мамлекетке кайтарылды 262 0

Архив

Комментарийлер (6)

Sezimim...

2018-03-26 23:45:54

Уурулар бети,намысы жок болот. Бул кыз намысына чыдабай асынып алса койгон куноосу жалган го...

nur...nur.

2018-03-27 02:15:40

Жазасын алсын чырактай эле кыз экен.

Jigit.1982

2018-03-27 10:23:09

nur...nur.,Эмнеге жазасын алыш керек мугалим. Кыз озу алганын мойнуна алып кечирим сураса куноосу бар учун кечирим сурадыда. Ошол жерден милицияга тапшырыш керек болчу. Бир кыз шайтандап акчаны алды, анан намысына чыдабай Оз жанын кыйда, Эми ата-энеси сыздап мугалимдер жооп беришет. Ошо заматта милицияга тапшырыш керек болчу.

Totyua.71.

2018-03-27 07:34:03

Уурдаган кыз болсо аны мугалим таап чыкса дагы мугалим камалабы?

raykray

2018-03-27 11:33:46

Акча ондуруш керекго ата энеси?! Кызынар алыптыр акчаны!!!!!!!

Munar92

2018-03-27 17:17:48

Акчаны Кыз алып алган ошого асынып алган кыздын куноосу жок болгондо асынбайт болсун.

Комментарий калтыруу үчүн өз ысымыңыз менен кириңиз же каттоодон өтүңүз.