Таласта унаа уурдоого шектелип Жалал-Абаддын тургуну кармалды

Талас облусунун Бакай-Ата районунда унаа уурдоого шектелип, 42 жаштагы адам кармалды. Бул тууралуу Ички иштер министрлигинин басма сөз кызматынан билдиришти.

Маалыматка ылайык, 22-мартка караган түнү Бакай-Ата районунун Кызыл-Октябрь айылынын 49 жаштагы Н.О. аттуу тургунунун Ауди-С4 үлгүсүндөгү унаасын белгисиз адамдар уурдап кетишкен. Бул факты боюнча ыкчам-иликтөө иштери жүргүзүлүп, көп өтпөй эле милиция кызматкерлери унааны жана аны уурдап кеткен адамды табышкан. Тергөө иштеринин жыйынтыгында, кармалган адам Жалал-Абад облусунун Сузак районунун 42 жаштагы Т.Ү. аттуу тургуну экени аныкталган. Унаа айып аянтчасына токтотулуп, шектүү Бакай-Ата РИИБинин кызматкерлерине өткөрүлүп берилген.

Автор: Кенжебай Сатканалиев
Фото: Басма сөз кызматы