Ысык-Көлдө жолду оңдоп-түзөөдө 1 миллион 600 миң сомдон ашуун акчаны ыйгарып алышкан деп бир нече адамга кылмыш иши козголду

Ысык-Көл районунда жолго оңдоп-түзөө иштерин жүргүзүүдө 1 миллион 600 миң сомдон ашуун акчаны өздөрүнө ыйгарып алган деп "Ысык-Көл облусунун өнүктүрүү фондунун" жана Ананьево айыл өкмөтүнүн кызматкерлерине кылмыш иши козголду. Бул тууралуу Башкы прокуратуранын басма сөз кызматынан кабарлашты.

Маалыматка ылайык, Ысык-Көл районунун Чет-Байсоорун жана Ананьево айылдарын бириктирген унаа жолго оңдоп-түзөө иштери жүргүзүлгөн. Ал иш Ананьево айылынын айыл өкмөтү жана "Ысык-Көл облусунун өнүктүрүү фонду" тарабынан кабыл алынган. Ал документте 4164 квадрат метр жердеги чуңкурлар оңдолуп- түздөлгөнү, ага 4 миллион 100 сом акча коротулганы айтылат. Бирок текшерүү иштеринин натыйжасында бар болгону 2511 квадрат метр гана чуңкурлар оңдолуп-түздөлгөнү белгилүү болгон.

"Ал оңдоп-түздөө иштерин Ананьево айылынын айыл өкмөтү жана "Ысык-Көл облусунун өнүктүрүү фонду" кабыл алган. Алар кылынган иштин көлөмүн көбөйтүп, бюджетке 1 миллион 617 миң сом зыян келтиришкен. Учурда бул факты боюнча 304-берене (кызматтык абалынан кыянаттык менен пайдалануу) 315-берене (кызматтык жасалмачылык) жана 171-берене (ишенип берилген мүлктү ыйгарып алуу же жок кылуу) менен кылмыш иши козголду. Иликтөө үчүн керектүү органдарга жөнөтүлдү", - деп билдиришти басма сөз кызматынан.

Автор: Кенжебай Сатканалиев

11:25 26-03-2018

Жазылуу

РУБРИКАДАГЫ СОҢКУ КАБАРЛАР

20:49 2025-06-18 | Коом жана турмуш

Эсиңизде болсун! Бишкекте 11 автобустун каттамы убактылуу өзгөрдү (схема) 164 0

20:11 2025-06-18 | Түркүн дүйнө

Израил Тегерандын түндүк-батышындагы аэропортко чабуул жасады 873 0

19:53 2025-06-18 | Коом жана турмуш

Жети-Өгүздө милиция кызматкерлери адашкан туристтерге жардам көрсөтүштү 272 0

19:16 2025-06-18 | Түркүн дүйнө

Иран президенти Катардын эмирине кат жолдоду 1980 0

18:46 2025-06-18 | Түркүн дүйнө

Шерзат Болаттын үйүнүн өрттөлүшү: Министр иликтөөнүн жүрүшү жөнүндө айтты 885 0

18:15 2025-06-18 | Түркүн дүйнө

Газада акыркы 24 саатта 140тан ашык киши набыт болду 809 0

Архив

Комментарийлер (5)

Baku88

2018-03-26 11:28:14

Арам тамак аш болбойт уяты жоктор

-1

stimyl.kg

2018-03-26 11:36:21

Жол салуу бойунча жакшылап карап текшерсе абдан коп адам камалса керек республика бойунча. ЭксПрезидент министирлерден бери аралашкан коррупциялык иштер жатат деп ойлойм, жол салуу бойунча..

modem4999

2018-03-26 11:46:19

stimyl.kg,боюнча де

-2

NURTILEK_KG

2018-03-26 12:03:35

Президент катуурак буйрук берип козомолдоп жатат.ошондон кийин кичине болсо да иштеп баштады окшойт мурдагыга караганда.

muslim87

2018-03-26 22:21:09

Мамилекеттин акчасына кол салып элине ХХХХХХХХ ХХХХХХХ

Комментарий калтыруу үчүн өз ысымыңыз менен кириңиз же каттоодон өтүңүз.