Бакыт Байсариев: "Кызматта эч качан ичимдик ичпейм. Элге тараган видеодо мен конок катары чакырылгам"

Бир нече мүнөттөрдөн кийин SUPER.KG`нин Түз эфиринин кезектеги коногу алып баруучу, шоумен Бакыт Байсариевдин маеги башталды.

Бакыт Байсариевге арнаган жылуу ой-пикирлериңиз же кызыктуу суроолоруңуз болсо, мүмкүнчүлүктөн пайдаланып түз эфир жүрүп жатканда "Соңку кабар" аркылуу комментарий жазып жооп алсаңыздар болот. Эске салсак, суроолор редакция тарабынан иргелет. Мааниси окшош, кайталанма суроолор эфирге чыгарылбайт.

15:00. Бакыт Байсариев жүйөлүү себептерден улам кечигип келерин билдирди.

15:20. Шоумен эмнеден улам кечигип келгенин түшүндүрдү.

15:23. Бакыт Байсариев эфирдин салттуу оюнуна айланган ойготкуч суроолордун бешөөнө туура жооп берди.

15:24. Адам кайсы куракка келсе дагы бийлей берсе болорун айтты. Ал эми ден соолугуна байланыштуу өзү бий үйрөтпөй калганын билдирди.

15:26. "Чыгыш бийин бийлеген эркектер көппү?" деген суроого Бакыт мырза: "Чыгыш бийин бийлеген эксклюзив эркек менмин", - деп тамашалуу жооп узатты.

15:28. Шоумен чыгыш бийинен тышкары латын америка бийи жага турганын айтты.

15:29. Кызы абдан эрке экенин айтты.

15:30. "Биринчи жолу ата-энемди Египетке алып барып эс алдырып келдим. Дайыма эле өзүм жыргап эс ала бербей ата-энемдин да ыраазычылыгын алдым", - дейт.

15:34. Шоумен биологиялык атасын Бишкекке келгенде тапканын, бирок азыр аны менен катышпай турганын айтып өттү.

15:36. Кокустук болуп, акырегин сындырып, операция жасатканын билдирди.

15:38. "Жеке жашоом тууралуу суроолорго түз эфирден жооп бербейм. Эгер кызыгып жатсаңыз "Супер-Инфо" гезитинен окусаңыздар болот".

15:39. Суроо: "Тоголок болуп семирип кетиптирсиз..."

Жооп: "Үйлөнгөндөн кийин аялың даамы жок тамак даярдаса да мактап туруп жеп, жатып алсаң тоголок болбой эмне. Сырттан жеп келсең суроолор көбөйө баштайт да".

15:42. Түз эфирде Бакыт Байсариев чыгыш бийин бийлеп берүүдө.

15:45. Суроо: "Тамадалар тойду ичип алып башкарабы?"

Жооп: "Кызматта эч качан ичимдик ичпейм. Элге тараган видеодо мен конок катары чакырылгам".

15:49. "Тойлордо бекер кызмат көрсөткөн учурлар болот".

15:50. Кошумча өнөрлөрү тууралуу: "Музыкалык аспаптарда ойнойм, кээде ырдайм жана тасмаларда эпизоддук ролдорду жаратып келем".

15:51. "Тойго бийлегени баргам. Ошондо тамадасы алып бара албай калып, мага костюм-шым кийгизип "сен кичине артистке окшош эмессиңби" дешкен. Ошентип тамада болгон жагып калган", - деп тамадалык кесиби тууралуу айтып берди.

15:54. Эфирде Бакыт мырза мушкерлер кийген мээлейди кийип, момпосуйду ачып жегенге аракет кылып, оюн курду.

15:58. Суроо: "Биринчи аялын таштаган эркек экинчисин да таштап кетет..."

Жооп: "Супер-Инфонун" жаңы санынан окуп алыңыздар".

16:00. Эфир соңуна чыгып, Бакыт Байсариев кыргыз элине каалоо-тилегин айтты.