Бишкекте зер буюмдар менен 500 миңден ашык акчаны уурдаган деп шектелип мурда соттолгон жарандар кармалышты

Бишкекте зер буюмдарды жана 525 миң сом уурдаган делип шектүүлөр кармалды. Бул тууралуу Бишкек ШИИББинин басма сөз кызматынан билдиришти.

Маалыматка ылайык, окуя 2-апрель күнү Бишкек шаарынын Ак-Босого жаңы конушундагы үйлөрдүн биринде болгон. Анда үйдө эч ким жок учурунда белгисиз адамдар үйгө кирип, 525 миң сом менен зер буюмдарды (шакек, сөйкө) уурдап кетишкен. Аталган факт боюнча Кылмыш-жаза кодексинин 164-беренеси (уурулук) менен кылмыш иши козголгон.

"Кылмышка шектүүлөр ыкчам иликтөөнүн натыйжасында 6-апрель күнү кармалышты. Алар буга чейин соттолгон, Жалал-Абад облусунун тургундары 38 жаштагы К.А., 25 жаштагы А.Б. жана 38 жаштагы Т.А. аттуу жарандар болушкан. Учурда шектүүлөр убактылуу кармоочу жайга киргизилип, тергөө иштери жүрүп жатат", - деп билдирет басма сөз кызматы.

Автор: Бактыяр Кыдыралиев