Бразилияда абактардын бириндеги ок атышуудан 23 адам каза болду

Бразилияда абактардын бириндеги ок атышуудан 23 адам каза болду. Бул тууралуу чет элдик басылмалар жазып чыгышты.

Маалыматка ылайык, кечээ, 10-апрелде Бразилиянын Белен шаарында белгисиз адамдар абакка кол салышкан. Алар алгач абактын дубалын жардырышып, кийин ок атуучу куралдар менен кол салышып, кармалып турган кылмышкерлерди алып чыгып кетүүгө аракет кылышкан. Ок атышуунун натыйжасында 1 күзөтчү жана абакта кармалып турган 22 адам каза болгон.

Ошондой эле аталган маалыматта абакта баш аягы 660 адам кармалып турганы, алардын арасынан качып кетүүгө үлгүргөндөр бар же жок экени такталып, эсептөө иштери жүрүп жатканы айтылат.

Автор: Кенжебай Сатканалиев