Шавкат Мирзийоев Бишкекке келген учурда жардыруу уюштурууну пландаган жаранды Ош шаардык соту 15 жылга эркинен ажыратты

Өзбекстандын президенти Шавкат Мирзийоев Бишкекке келген учурда жардыруу уюштурууну пландаган деп айыпталып кармалган жаранды Ош шаардык соту күнөөлүү деп таап, 15 жылга эркинен ажыратты. Бул тууралуу бүгүн, 13-апрелде Ош шаардык сотунун маалымат катчысы Бекзат Осмонкулов SUPER.KG порталына билдирди.

Берилген маалыматка ылайык, Ош облусундагы Кара-Суу районунун Гайрат айылынын 30 жаштагы тургунуна карата чечимди сот өткөн жылдын 30-декабрында чыгарган.

Ал Кыргыз Республикасанын Кылмыш-жаза кодексинин 226-беренеси (терроризм), 241-беренеси (ок атуучу куралдарды, ок-дарыларды, жарылуучу заттарды жана жардыргыч түзүлүштөрдү мыйзамсыз алуу, берүү, өткөрүү, сактоо, ташуу же алып жүрүү) жана 299-беренеси (улуттук, расалык, диний же аймактар аралык кастыкты козутуу иштерин уюштуруу) менен күнөөлүү деп табылган.

Тергөө иштеринин жүрүшүндө анын "Жамаат-Таухид ва жихад" эл аралык террористтик уюму менен тыгыз иштешкени белгилүү болгон. Ал 2013-жылы Кашкар-Кыштак айылындагы мечитке келип, имам жана анын тарапташтары менен таанышкан. Алар шектүүгө Сириядагы согушка барууну бир нече жолу айтышкан, бирок ал үй-бүлөлүк шартына байланыштуу бара албастыгын айтып, Кыргыз жеринде аларды колдоп турарын айткан. Ошондой эле тергөө иштеринин жүрүшүндө ал таанышкан адамдар Сирияга чыгып кеткени айтылган.

Ал 2017-жылдын сентябрь айында террористтер менен байланышта болуп, Өзбекстандын президенти Шавкат Мирзийоевдин Кыргыз жерине болгон сапарында жардыруу уюштурууну пландаштырган. 2017-жылдын 3-сентябрында шектүү кармалып, үйүн тинтүү учурунда жардыруучу зат табылган. Бирок шектүү өз көрсөтмөсүндө террористтик уюмдардын мүчөсү эместигин жана Өзбекстандын президенти келген убакта жардыруу пландаштырбагандыгын билдирген.

Анын жактоочусу Ош шаардык сотунун чечимине макул болбой, Ош облустук сотуна арыз менен кайрылган. Учурда иш облустук сотто каралууда.

Эске салсак, Өзбек президенти Бишкекке 2017-жылдын 5-сентябрында келген.

Автор: Кызжибек Раимова

20:41 13-04-2018

Жазылуу

РУБРИКАДАГЫ СОҢКУ КАБАРЛАР

15:45 2025-06-18 | Коом жана турмуш

Кыргыз күрөш боюнча курама команда Дүйнө чемпиондугуна жөнөп кетти 71 0

15:40 2025-06-18 | Түркүн дүйнө

Араң кыймылдап... Филипп Киркоров дарылануудан кийин ырдап чыкты (видео) 189 0

15:21 2025-06-18 | Коом жана турмуш

Бишкектеги Кулиев көчөсүндө чачташкан аялдардын видеосу тарады (видео) 456 0

15:15 2025-06-18 | Маданият, шоу-бизнес

Актриса Неслихан Атагүл ымыркайы менен түшкөн сүрөттөрүн жарыялады 307 0

15:09 2025-06-18 | Түркүн дүйнө

Макрон G7 саммитинен популярдуу ырга тартылган видео жарыялады (видео) 340 0

14:52 2025-06-18 | Коом жана турмуш

Улуттук банк кезектеги алдамчылык схемасы тууралуу эскертет 322 0

Архив

Комментарийлер (7)

Derzki_kyrgyz

2018-04-13 20:48:10

Дагы бир маңдайы шордуу түрмөгө кетти

Mydearzh

2018-04-13 21:55:38

Че то мыйзам иштеп баштагандай)

Akniet_kg96

2018-04-13 22:20:23

уюштурган деп эле 15 жыл а тиги военныйы атып салса да эч нерсе болгон жок

+13

muni.98-98

2018-04-13 22:42:41

Akniet_kg96, ошого ичим ачышат да. Бул пландап койгонуна 15 жыл берди. Оно ХХХХ кууп келип биздин жаранды атып салды эч кандай чара коро албады -:(

aslan_akjol89

2018-04-14 21:19:10

muni.98-98,Ал атылган жаран деле "туугандардан" болгон.Озунун косягы бар экен,жердештеринен уктум.

Mr.Jack

2018-04-14 04:18:38

Чек арада атылган адам менен террор уюштурган адамды эс акылы оордунда адам салыштырабы? Ушул сайттагылардын кобуно тан калам. Бир нерсе жазарда акыл калчап ойлонуп жазса, эч нерседен ырыстуу тушунугу жок кобунчосу. Анан кайсы тема болсо аралашып кергиштеп тескери жагын жазышат да отурушат.

Zaina

2018-04-14 04:38:16

Mr.Jack, туура айтасын:-)

Комментарий калтыруу үчүн өз ысымыңыз менен кириңиз же каттоодон өтүңүз.