Кыргыз балбандар Казакстанда өтө турган эл аралык мелдешке катышат

Кыргыз балбандар Казакстанда өтө турган эл аралык мелдешке катышат. Бул тууралуу Жаштар иштери, дене тарбия жана спорт агенттиги билдирди.

Маалыматка ылайык, мелдеш Актау шаарында 4-6-май аралыгында өтөт. Олимпиада чемпиону Жакшылык Үчкемпировдун байгелерине арналган грек-рим күрөшү боюнча мелдеште Кыргыз өлкөсүнөн 4 спортчу катышат.

Кыргыз курама командасынын тизмеси:

55 килограммга чейинки салмак ченинде: Азамат Боронов - спорт чеберине талапкер;

60 килограммга чейинки салмак ченинде: Таластан Канжарбек уулу - спорт чеберине талапкер;

67 килограммга чейинки салмак ченинде: Халмурат Ибрагимов - спорт чебери;

77 килограммга чейинки салмак ченинде: Темирлан Бектурдиев - спорт чеберине талапкер;

Ага машыктыруучу: Шукрат Ушуров.

Автор: Нурсултан Нурболот уулу