АКШда аскердик учак кыйрап, ичиндеги тогуз адамдын баары каза болду

АКШда аскердик учак кыйрап, ичиндеги тогуз адамдын баары каза болду. Бул тууралуу чет элдик маалымат булактары жазып чыгышты.

Маалыматка ылайык, окуя 2-майда болгон. Анда абага көтөрүлгөн учак магистралга кулап түшкөн. Бактыга жараша, учак кулап түшкөн учурда жолдо унаалар болгон эмес. Учак Аризона штатынын Дэвис-Монтан базасына бара жатканда кырсыкка кабылган. "Ассошиэйтед Пресс" агенттиги Пуэрто-Риконун бийлигине таянуу менен учакта тогуз адам болгонун жазып чыкты. Ал эми кыйраган С-130 Hercules үлгүсүндөгү учактар АКШда жана башка мамлекеттерде десанттык аракеттер жана аскердик жүк ташуулар үчүн колдонулат. Азырынча кырсык эмнеден улам келип чыкканы айтыла элек.