Бишкекте чала тааныш адамынан 41 миң доллар алып, 3 жылдан бери кайтарбай жүргөн тургун кармалды

Бишкекте чала тааныш адамга 41 миң доллар берген жаран милицияга арызы менен кайрылды. Бул тууралуу Бишек ШИИББинин басма сөз кызматынан билдиришти.

Маалыматка ылайык, 45 жаштагы борбор калаанын тургуну 2015-жылы чала тааныш адамы анын ишеничине кирип, 41 миң доллар акчасын алдап алып кеткенин айткан. Ал алган акчасын бүгүнкү күнгө чейин кайтарбай жүргөнүн айтып ага карата арыз жазган. Аталган факты боюнча Кылмыш-жаза кодексинин 166-беренеси (алдамчылык) менен кылмыш иши козголгон.

Ыкчам-тергөө амалдарынын жүрүшүндө кылмышка шектүү катары Т.Т. аттуу 42 жаштагы Бишкек шаарынын тургуну кармалган. Учурда териштирүү иштери жүрүп жатат.

Автор: Бактыяр Кыдыралиев