Дүйнөлүк рекорддорду жаңылап, көрүүчүлөрдү күлдүрүп да, ыйлатып да жаткан "Өч алгычтар: Чексиздик согушу" тасмасы

4-майда КМШ өлкөрүндө эң алгачкылардан болуп Бишкек шаарында "Марвел" дүйнөсүнүн сүйүүчүлөрү көптөн күткөн "Өч алгычтар: Чексиздик согушу" тасмасынын бет ачары болуп өттү.

Тасманы көрүүгө келген адамдардын санын көрүп бул тасма АКШда жана Орусияда жараткан кассалык жыйноо боюнча ийгилигин кайсы бир деңгээлде Кыргыз өлкөсүндө да кайталай алат деген ойго келдик. АКШда алгачкы көрүүчүлөргө 2-майда тартууланып, 2 күндүн ичинде тасма 258 миллион доллар киреше алып келген. Азыркы тапта тасманын дүйнөлүк көрсөтүүлөрдөн алып келген кирешеси 808 миллион долларды түзгөнүн чет элдик басылмалар жазууда. Ал эми бул тасманы тартуу үчүн 500 миллион доллар сарпталганын тасманын режиссёрлору Энтони жана Жо Руссо буга чейин берген интервьюларында билдирген.

"Марвел" дүйнөсүнө саякат башталганда эле алгач экранга сырткы келбети мурунку бөлүктөрүнө караганда өзгөрүүлөргө дуушар болгон, бирок көпчүлүк сүйгөн каармандар пайда болду.

"Өч алгычтар" тасмасынын бул бөлүгү мурда-кийин бири-бирине жолукпаган "Марвел" дүйнөсүнүн каармандарынын башын бириктирген. Анда тасманын мурунку бөлүктөрүнөн таанымал болгон баатырлар Танос аттуу терс каармандын чексиздиктин 6 ташын чогултуп алууга жана алардын жардамы менен ааламда жашаган тирүү жандардын жарымын жок кылуу максатына каршы турушат.

Тасма 2 саат 30 мүнөткө созулат. Бул убакыт ичинде каармандар бири-бири менен таанышып, өз ара тамашалашканга жана атаандаштары менен салгылашканга жетишет. Эгерде көрүүчү мурда "Марвел" дүйнөсүнүн бир дагы тасмасын көргөн эмес болсо, анда аталган тасманы толугу менен түшүнүп көрө албайт. Анткени тасмада мурдагы бөлүктөрдө болгон окуялар да уланат. Негизинен тасманын аталган бөлүгү чыныгы "Марвел" дүйнөсүнүн сүйүүчүлөрүнө арналганын кино жаатында адис эмес адамга да көрүнүп турат.

Тасманын окуяларынын көптүгү, каармандардын бир максат үчүн биригиши бир дагы көрүүчүнү кайдыгер калтырган жок. Ар бир көрүүчү каармандар менен биргеликте күлүп да, ыйлап да жатты. Ар бир кармашты жеңиш менен жыйынтыктаган баатырларды көрүп көнүп калган көрүүчүлөр үчүн тасманын аягы күтүүсүз жана таң калычтуу болду. Көрүүчүлөрдүн сезимдерин көрүп, эч ким мындай жыйынтыкты күтпөгөнүн айтса болот.

Жер жүзүн, бүтүндөй ааламды дайыма ар кандай апааттардан, кол салуулардын сактап келген баатырлардын дагы бир окуясын көрүп, алардын дүйнөсүнө саякаттап келүү үчүн бул тасма эң мыкты мүмкүнчүлүк.

Кино сүйүүчүлөргө айта кетчү кеңеш тасма бүткөн соң дароо туруп кетпестен кино жаратуучулардын аттары жазылган саптар бүткөнчө күтө туруңуз. Анткени алардан кийин сизди эң негизги бардык суроолорго жооп берген бөлүк күтүп турат.

Автор: Айзада Тураркулова

07:33 06-05-2018

Жазылуу

РУБРИКАДАГЫ СОҢКУ КАБАРЛАР

16:22 2025-05-09 | Супер-Инфо

Геморрой жана анын түрлөрү 71 0

15:50 2025-05-09 | Коом жана турмуш

Москванын борбордук аянтында Кыргызстандын Улуттук гвардиясы параддан өттү (видео) 451 0

15:35 2025-05-09 | Коом жана турмуш

Парад, оюн-зоок, "Өлбөс полк"... Ошто Жеңиштин 80 жылдыгы салтанаттуу белгиленди 179 0

15:22 2025-05-09 | Түркүн дүйнө

Москванын Кызыл аянтында Жеңиш парады өттү 392 0

15:13 2025-05-09 | Супер-Инфо

Ражабали Шайдуллаев, мушкер: “Мен дагы UFC'ни көздөй бет алам” 149 0

15:06 2025-05-09 | Коом жана турмуш

Бишкекте "Өлбөс полк" аскердик-патриоттук акциясы өттү (видео) 193 0

Архив

Комментарийлер (13)

Ernic

2018-05-05 17:04:14

Интернетке чыкты деп жүрдү элего?

Beksultan060398

2018-05-05 17:11:33

Ernic,оа чыкты мен бугун кордум аябай кызыктуу экен менин сунушум ушул кинону коргуло

fantomas

2018-05-05 17:10:33

Фантастика кинолорду коргучо корбой эле коюш керек...

mirbek_kgz.1990

2018-05-05 17:18:45

Индийский коргуло андан коро.Романтика

-4

salimbek87.kg

2018-05-05 17:42:43

Эң соонун кино курманжан датка мен үчүн башкасын билбейм.

-2

33SUUN

2018-05-05 17:56:55

Баягы бешбармак менен чучуктан бир дайыны барбы же мен артта калдымбы жанылыктан.Киминер билесинер эмне болгонун?

+12

Atas

2018-05-05 18:21:10

33SUUN, Тилеке каршы кирбей калыптыр

-4

Azatbek.Svoboda.

2018-05-05 18:56:42

Atas,сага ким айтты?!

titanik32

2018-05-05 19:08:51

33SUUN,Ал беш бармак чучук кирбей калган.Себеби ошол жердеки адамдар Кыргызча эмес англис тилинде сүйлөшү керек экен эле.Анан ошолордун сүйлөгөнүн которттурабыз деп чуркап жүрүшөт эле.Гиннестин китебине жаза турган кишиге да чучук учадан берип жибериш керек эле да.

iryi1

2018-05-05 20:00:29

Мага эротический кинолор жагат.

-2

mirbek_kgz.1990

2018-05-05 20:49:33

iryi1,"Пят десять оттенков серого"(темного,свободы) ушуларды кор жыргап аласынго

Hacker99

2018-05-05 21:57:56

iryi1, а коргондон коро практика жузундо кылып коргон жакшы го

Medinaa

2018-05-05 22:55:42

Анча деле купулума толбоду.

Комментарий калтыруу үчүн өз ысымыңыз менен кириңиз же каттоодон өтүңүз.