Чолпон-Ата шаарында кикбокс боюнча Азия чемпиондугу старт алды

Бүгүн, 8-майда Ысык-Көл облусунун Чолпон-Ата шаарында кикбокс боюнча Азия чемпиондугу старт алды.

Аталган мелдеште Азиянын14 өлкөсүнөн келген спортчулар 6 категорияда күч сынашууда. Алар лоу-кик, фулл-контакт, К-1, кик-лайт, пойнт-файтинг жана лайт-контакт.

Спортчулар Иран, Ирак, Пакистан, Сирия, Таиланд, Малайзия, Тайбэй, Бириккен Араб Эмираттары, Тажикстан жана башка өлкөлөрдөн келишти.

Кыргыз курама командасына өлкөнүн мыкты спортчулары кирген. Алардын арасында кикбокс боюнча 2017-жылдын Дүйнө чемпиону Авазбек Аманбеков, 2016-жылдын Дүйнө чемпиону Уланбек Касымбеков, Азиянын 2 жолку чемпиондору Рустам Ибрагимов жана Чыңгыз Бегматов.

Азыркы тапта чейрек финалдык беттештер орун алууда, мелдештин расмий ачылышы бүгүн саат 16:00дө башталат.

Кыргыз спортчулардын атаандаштары:

Фулл-контакт

67 килограммга чейинки салмак ченинде:

Токтосун Исманов - Хайдер Алисмаил (Ирак)

60 килограммга чейинки салмак ченинде:

Элнура Айдарова - Сона Хайдари (Иран)

63,5 килограммга чейинки салмак ченинде:

Эрлан Талантбеков - Адай Абдулранбет (Иордания)

К-1

67 килограммга чейинки салмак ченинде:

Жаныбек Бейшенбек уулу - Мехди Моршеди (Иран)