Жарым саатта жашы жете элек 2 кызды зордуктоого аракет кылган деп айыпталып 27 жаштагы жаран кармалды

Эки өспүрүм кызды зордуктоого аракет кылган жаран кармалды. Бул тууралуу Бишкек ШИИББинин басма сөз кызматы маалымдады.

Белгилүү болгондой, 15-майда Бишкек шаарынын эки тургуну милицияга бирдей арыз менен кайрылган. Алардын бири эртең менен саат 6:30дар чамасында белгисиз адам анын 17 жаштагы кызын зордуктоого аракет кылганын айткан. Экинчиси анын да жашы жете элек кызына саат 6:00дөр чамасында белгисиз адам кол салып, зордуктоого аракет кылганын кабарлаган. Өспүрүм кыздарды зордуктоого аракет кылган адамдын болжол менен 20-25 жашта экендиги айтылган.

"Ыкчам-териштирүү амалдарынын натыйжасында Бишкек шаарынын 1991-жылы туулган Д.У. аттуу жараны кармалган. Сурак учурунда кылмышка шектүүнүн жанынан кастет табылып, убактылуу кармоочу жайга киргизилген. Ага карата Кылмыш-жаза кодексинин 28 жана 129-беренелери (зордуктоо) боюнча кылмыш иши козголгон", - деп билдирди басма сөз кызматы.

Учурда айыпталуучу Биринчи Май райондук сотунун чечими менен убактылуу 2 айга камакка алынган.

Автор: Бактыгүл Момбекова

23:57 18-05-2018

Жазылуу

РУБРИКАДАГЫ СОҢКУ КАБАРЛАР

19:53 2025-06-18 | Коом жана турмуш

Жети-Өгүздө милиция кызматкерлери адашкан туристтерге жардам көрсөтүштү 60 0

19:16 2025-06-18 | Түркүн дүйнө

Иран президенти Катардын эмирине кат жолдоду 713 0

18:46 2025-06-18 | Түркүн дүйнө

Шерзат Болаттын үйүнүн өрттөлүшү: Министр иликтөөнүн жүрүшү жөнүндө айтты 487 0

18:15 2025-06-18 | Түркүн дүйнө

Газада акыркы 24 саатта 140тан ашык киши набыт болду 539 0

17:51 2025-06-18 | Түркүн дүйнө

Путин Иран менен Израилге ортомчу болууга даяр экенин ырастады 798 0

17:30 2025-06-18 | Кылмыштар, кырсыктар

Балыкчыдагы жер тилкеси мамлекетке кайтарылды 262 0

Архив

Комментарийлер (10)

aman0296

2018-05-18 13:13:23

6:30 кайсы жерден зордуктоого аракет кылган?

BoDiNur

2018-05-18 14:38:56

Адамдар эмне эле болуп баратабыз? Кыздарда да куноо бар деп ойлойм

PROS

2018-05-18 19:22:10

Таңкы саат 6, 6:30да жашы жете элек кыздарды кайсы жерде зордуктоого аракет кылды экен? Көчөдө болсо, жашы жете элек кыздар эмне кылып жүрүшкөн деген суроо?

Sultanim

2018-05-19 01:06:46

PROS,мен үчүн 6:00,6:30 эрте эмес. сага окшоп уктап жата бербейм.түнкү болсо бир жөн, эмне бар дегидей,азыр күн узун.жапжарык эле болуп калат эшик.вот педофил болсо, түнү менен уят,зынаа кинолорду көрүп,козголуп чыкса керек...

Arlenchik

2018-05-18 21:30:19

Озу жамандын оюу жаман дегендей сразу танкы алтыда эмне кылып журот деп кызга куноо коюп киришет,мумкун сабакка бараткан чыгар, шаар жеринде ошондой эле, чет жактагы конушта жашап, мектеби алыс болсо ошондойле эрте чыгат, маршруттук такси мн тыгында барганчале ошол болот, тиги акмак педофиль жазасын алсын, андай акмактарды атып эле салыш керек коомдон тазалап, андай акмактардан азайып же кобойуп кетпейт, же болбосо бычып салыш керек, эркек эмес же ургаачы эмес болуп журо берсин.

Nanei

2018-05-18 22:33:46

Ой тобоо,ой тобоо,шыр эле кыздарда куноо бар депсинер,ой тобооо,ушунчалык акылынар кемби??? Мен студент кезде,саат алтыда уйдон чыкчы элем ,7-45те колледж ке сабака жетишип калганга жанталашып. Балким бул кыздар да алыс жашагандыктан эртен менен эрте чыгышат???

nur0202

2018-05-19 03:28:42

кастет деген эмне

Dalil

2018-05-19 04:58:44

nur0202, темирден жасалып колго кийилет. Муштум менен урганда катуу жаракат берүү үчүн.

Nuri1988Elim2010

2018-05-20 09:34:02

Dalil,менда ушуну сурайын деген элем.Биринчи угу шум.

monster_high_98

2018-05-19 23:07:41

Балким подстава,

Комментарий калтыруу үчүн өз ысымыңыз менен кириңиз же каттоодон өтүңүз.