Эртең футбол боюнча Өлкө биринчилиги Топ-Лиганын 9-туру старт алат

Эртең, 19-майда футбол боюнча Өлкө биринчилиги Топ-Лиганын 9-туру старт алат. Бардык беттештер 17:00дө башталат.

Кант шаарындагы Абдыш-Ата стадионунда "Абдыш-Ата" "Илбирс" командалары кез келсе, Жалал-Абад шаарындагы Курманбек стадионунда "Академия" "Нефтчи" оюну өтөт. Ал эми Кара-Балта шаарындагы "Манас" стадионунда "Кара-Балта" "Дордой" командалары беттешет.

Ошондой эле 20-майда Кант шаарындагы "Абдыш-Ата" стадионунда "Алга" жана "Алай командалары кез келет.

8 турдан кийин бомбардирлер жарышында "Алайдын" оюнчусу Кожо Жоел 9 голу менен сап баштап келе жатса, экинчиде 6 гол киргизген Гүлжигит Бөрүбаев жана Алиа Силла келе жатышат.

Ал эми турнирдик тизмеде "Алай" 17 упай менен сап баштап келе жатат.