Депутат Садык Шер-Нияз КТРКнын байкоочу кеңешин сынга алды

Депутат Садык Шер-Нияз Жогорку Кеңештин Социалдык маселелер, билим берүү, илим, маданият жана саламаттыкты сактоо боюнча комитетинин 21-майдагы жыйынында КТРКнын байкоочу кеңешин сынга алды. Жыйында КТРКнын байкоочу кеңешинин 2017-жылы аткарган иши боюнча отчёту каралып, анын төрагасы Жыпар Жекшеевдин маалыматы угулуп жаткан. Депутат Садык Шер-Нияз аталган кеңеш өз ишин аткара албаганын белгиледи. Анын пикиринде, эфирден берилип жаткан маалыматтарга көзөмөл жүргүзүп, бир тараптуулукка тоскоолдук жаратуусу керек эле.

"Байкоочу кеңештин төрагасы айтып жаткан чарбалык иштер КТРКнын директорунун иши болсо керек. Ал киши жасаган жумуштарды биз жасадык деп отчёт берүүнүн өзү уят. Байкоочу кеңеш КТРКнын коомдук канал болуп сакталуусун көзөмөлдөсүн деп түзүлгөн. Бирок коомдук канал көпчүлүк учурда саясий каналга айланып кетти. Мисалы, Абдил Сегизбаев уюштурган "Белизгейтти” бир жума көрсөттү. Эч бир факты жок, кызылдай жалган маалымат. Экинчи тараптын пикири берилген жок, бир тараптуу гана кетип жатты. Айрым учурда башкы директорго президент, өкмөт же Жогорку Кеңеш тарабынан үстөмдүк жасалышы мүмкүн. Байкоочу кеңеш ошондой учурда “андай эмес, мындай болот" деп айта турган. Жыпар Жекшеевич, сизди демократиянын мыкты үлгүсүн көрсөтөт деп шайлап бергенбиз. Тилекке каршы, ал тилегибиз орундалбай жатат.

Эми оюн эле болуп жатат да. 6 ай мурун бир кишилерди айга-күнгө теңедик. Бүгүн кайра тескери буруп жатса, элдин деле башы айланып калат экен. Ошол жерде чыныгы аксакалдарыбыз болсо, ошол жерде отургандар туура сөздөрүн айтып турса, жок дегенде саясий маселелер жылма өтүп турмак да”, - деди Шер-Нияз.

Байкоочу кеңеш 15 адамдан турса, анын 5и президент тарабынан, 5и Жогорку кеңеш тарабынан, 5и жарандык коом тарабынан сунушталат.

Автор: Жамалидин Парманкулов
Фото: Жамалидин Парманкулов

21:48 21-05-2018

Жазылуу

РУБРИКАДАГЫ СОҢКУ КАБАРЛАР

23:52 2025-07-24 | Түркүн дүйнө

Камбоджа Таиланд менен болгон жаңжалдан улам 5 миң кишини эвакуациялады 542 0

23:34 2025-07-24 | Түркүн дүйнө

Трамп Илон Маскка жамандык каалабай турганын билдирди 455 0

22:54 2025-07-24 | Түркүн дүйнө

Таиланд согуш аяктагандан кийин гана Камбоджа менен сүйлөшүүгө барарын билдирди 889 0

22:10 2025-07-24 | Саясат

Бишкек мэриясында кызматтан алынган үч жетекчинин ордуна жаңы кызматкерлер дайындалды 684 0

21:35 2025-07-24 | Түркүн дүйнө

Таиланд Камбоджа менен болгон кагылышта 11 жараны набыт болгонун билдирди 822 0

20:49 2025-07-24 | Коом жана турмуш

Президент ЖАМКынын төрагасы Чыңгыз Кожошевге сөгүш жарыялады 1194 0

Архив

Комментарийлер (5)

Abdyrawit

2018-05-21 22:58:32

Туура айтылган сөз, ошол эле Азамат агабыз деле эми эле үн катып, ал мындай, бул тигиндей деп баштады. Болбосо кыргыз маданиятында, кыйла салмагы бар адам, жок дегенде маданияттын тили менен деле айтып чыкса болмок, эми минтип тигилердин куржуну, кунандан ооп баратканда, өтмүштү айта калып, өзүн көргөзгүсү келген өндөнөт. Андай болбосо, анда эмнеге, убагында ушул нерселерди айтып чыккан жок.

Jelezo

2018-05-21 23:11:56

Abdyrawit,айтып эле жатты сен окубай же көрбөй калган окшойсун

Mederbek0811

2018-05-22 00:58:47

Abdyrawit,бул депутат дайым эле чындыкты айтып келет жана кыргыз тилине куйгон абдан патриот инсан.

fantomas

2018-05-21 23:30:38

Озу КТРди жоюп салуу керек болуп калды. Ага корогон кайран миллиондор. Же жакшы корсотуулору жок. Жанылыктары бир жактуу, конул айнытат. Барынан жогу мындай каналдын. Ага караганда жаны ачылган чакан телеканалдар кызыктуу корсотуулор сунат, жанылыктары да более менее обьективдуу...

jbolotov

2018-05-22 00:29:42

Шер Нияз жана башкалар олуттуу маселелерди, армия жонундо, тышкы карыздар, ондуруш жонундо,улуттук кызыкчылыктар жонундо маселе которгонду ойлошобу деги же жалан эле бирин бири чукулоо,кызмат болушо албай камоо болуп журоберишеби? Кытай берген кредитин эмненге ТВЕА озу билемдик менен иштеткен ж.б маселелерди карабайбы журобербей семирип. Мен президент болсом ушулардын баарын топтоп жазасын бермекмин.

Комментарий калтыруу үчүн өз ысымыңыз менен кириңиз же каттоодон өтүңүз.