Ошто Ак-Буура дарыясынын жээгин тосуп жаткандар менен жашоочулардын ортосунда чыр чыкты

Ош шаарынын Ак-Буура дарыясынын жээгин тосуп жаткандарга нааразы болгон жашоочулардын ортосунда чыр чыгып, эки адам сабалды. Бул тууралуу SUPER.KG порталына окуянын күбөсү Бекболот Токтобаев билдирди.

Мушташ кечээ, 22-май күнү кечинде Ош шаарынын Курманжан датка кичи районунда, дарыянын боюнда болгон. Анда жергиликтүү тургундар мурда эс алуучу жай катары эсептелген жерди тор менен тосуп жаткандарга каршылык билдирүүгө аракет кылып, ортодо мушташ чыккан.

Биз дарыянын боюнда мушташып жаткандарды көрүп чуркап келдик. Келсек балдар сабап, өз ара ызы-чуу болуп жатышкан экен. Дарыянын боюна эс алууга келишсе, ал жердеги адамдар "бул жер менчик аймак, чыккыла" деп эки баланы сабап салышкан. Негизи ошол жердеги дарыянын жээгинде эл көп эс алат. Бирок белгисиз адамдар жок эле жерден келип, дарыянын боюн тосуп алып, "бул жер биздин менчик" деп эч кимди киргизбей жатышканы туура эмес да. "Дарыянын бою, мамлекет тарабынан коргоого алынган, кантип менчик болот" деп алардан сурасак, "биз мэриядан уруксат алганбыз, мэрия иштете бергиле деген, кызыл китебибиз бар деп айтышты", - дейт Токтобаев.

Бул окуя боюнча Ош ШИИБине кайрылганыбызда басма сөз кызматкери Замир Сыдыков буларды билдирди.

"Ак-Буура милиция бөлүмү аталган окуяны териштирип жатат. Күбөлөр суралууда. Жабыркаган эки тарап тең милицияга арыз менен кайрылышкан. Аларга соттук-медициналык экспертиза дайындалды", - деди Сыдыков.

Автор: Айсалкын Качкынбекова

12:44 23-05-2018

Жазылуу

РУБРИКАДАГЫ СОҢКУ КАБАРЛАР

00:00 2025-06-18 | Түркүн дүйнө

Трамп Иран боюнча бир катар билдирүүлөрдү жасады 1446 0

23:49 2025-06-17 | Түркүн дүйнө

Түндүк Кореяга алгачкы ирет Орусиядан поезд жөнөп кетти (видео) 850 0

23:30 2025-06-17 | Түркүн дүйнө

АКШ аралаша баштады... Иран Израилдин эки шаарына эскертүү берди 2205 0

23:22 2025-06-17 | Саясат

Садыр Жапаровдун Астанага болгон иш сапары аяктады 331 0

23:03 2025-06-17 | Түркүн дүйнө

Иран Израилге жаңы ракеталык чабуулун баштады 1781 0

22:45 2025-06-17 | Түркүн дүйнө

Индонезияда Левотоби жанар тоосу атылды (видео) 579 0

Архив

Комментарийлер (7)

Artyr1994

2018-05-23 12:51:56

Өзүнчө эле менчик кылып алыптыр гө ошону менчике берге оргпндарды камап жок кылуу керек, дегеле Оштүн мэринин ишин карап А.Кадырбаевти кетирүү керек көп былык иштери чыгат дагы.

+12

Chagylgan1

2018-05-23 13:03:19

Негизи Айтмамат Кадырбаевди камап соттош керек. Бут былык иштерде ошонун "колу" бар...

Эми эл эс алган жерди ким бироолорго бергени эмнеси, же Кадырбековго атамынан калган менчик беле, каалаган жерди сата бергидей...

Бул боюнча Баш прокуратура чара корбосо болбойт. Оштун ИИМи эмне дей алмак эле...

+15

shankol88

2018-05-23 13:05:58

Катуу сел гелип агызып кетселе сатпаганыңар сай калдыле
Элдер эс алышат еледаа...

+10

SeN_Sulusun

2018-05-23 13:16:30

оштун мерин иштен алыш керек бир дагы эле пайда келтире турган иш кылган жок

+10

simone

2018-05-23 13:36:03

Мушташпай эле чечишсе болбойбу?

ilgizk

2018-05-23 14:28:48

САтпаган колтугуну жүнү эле калды өзү

Mamiev

2018-05-23 14:34:14

Дарыянын жээгин менчик кылса Ошто жолдун боюн дагы парковка платный кылып алышкан.Айтмаматовду иштен алып Мырзакматовду коюш керек президенттен суранат элек

Комментарий калтыруу үчүн өз ысымыңыз менен кириңиз же каттоодон өтүңүз.