Өзгөндөгү мечитте таанышын бычактаган адам 5 жылга эркинен ажыратылды

Ош облусунун Өзгөн районунда намаз учурунда эки жарандын ортосунда чыккан жаңжал боюнча Өзгөн райондук соту чечим чыгарды. Бул боюнча Ош облустук сотунун басма сөз кызматы билдирди.

Ушул жылдын 16-апрель күнү Өзгөн райондук соту Кылмыш-жаза кодексинин 234-беренеси (бейбаштык) менен айыпталуучу Т.А.ны күнөөлүү деп таап, 5 жылга эркинен ажыратты. Жазасын күчөтүлгөн тартипте өтөөсү көрсөтүлгөн. Айыпталуучу буга чейин уруулук фактысы боюнча бир нече жолу соттолгон.

Эске салсак, Ош облусуна караштуу Өзгөн районунун Красный Маяк айылындагы мечитке намаз окуганы келген 64 жаштагы жаран 40 жаштагы мурдагы имамга "зекеттен түшкөн акчаны жеп койгонсуң" деп доомат коюп, бычак сайган. Натыйжада 40 жаштагы имам бычактан жеңил жаракат алып, ооруканага кайрылган. Жабыркаган Дилмурат Ильяхунов айылда 12 жыл имам болуп иштегенин айтып, окуяга мындайча токтолгон.

"Мен Красный-Маяк айылында 2001-жылдан 2013-жылга чейин имам болуп иштегем. Андан кийин жеке жумуштарым боюнча Бишкек шаарында иштеп жаткам. Окуя дүйшөмбү күнү бешим намазынан кийин болду. Намаз окулуп бүткөн соң берки жаран "отургула, сүйлөшө турган сөздөр бар" деп, андан ары "садага чогултулган сандыктан акча жоголуп жатат" деди. Негизи 4 ай мурун акча чогулган сандыктын ачкычын ошол адамга тапшыргам. Себеби буга чейин чогултулуп келген акча жоголуп кетип жаткандыктан, карап бербейсизби, деген элем. Анан ага акыркы айларда ачкыч сизде болуп жатат да десем, ал кайра менден күмөн санап "сен бул жакка келип намаз окуба, имам болбо" деген сөздөрдү айтты. Анан мени 8-9 жолу уруп жиберип, "жүрү эшикке, эркекче сүйлөшөлү" деди. Мен анын артынан чыктым, эгер алдында бассам, мени бычактап салат беле? Ким билет?.. Сыртка чыккан соң колума, анан көзүмө бычак сайып салды".

Автор: Айсалкын Качкынбекова

12:07 25-05-2018

Жазылуу

РУБРИКАДАГЫ СОҢКУ КАБАРЛАР

00:00 2025-06-18 | Түркүн дүйнө

Трамп Иран боюнча бир катар билдирүүлөрдү жасады 1446 0

23:49 2025-06-17 | Түркүн дүйнө

Түндүк Кореяга алгачкы ирет Орусиядан поезд жөнөп кетти (видео) 850 0

23:30 2025-06-17 | Түркүн дүйнө

АКШ аралаша баштады... Иран Израилдин эки шаарына эскертүү берди 2205 0

23:22 2025-06-17 | Саясат

Садыр Жапаровдун Астанага болгон иш сапары аяктады 331 0

23:03 2025-06-17 | Түркүн дүйнө

Иран Израилге жаңы ракеталык чабуулун баштады 1781 0

22:45 2025-06-17 | Түркүн дүйнө

Индонезияда Левотоби жанар тоосу атылды (видео) 579 0

Архив

Комментарийлер (7)

iryi1

2018-05-25 13:35:32

Мечиттеги азандын унун качан азайтсанар. Озгочо танга маал адамдардын тынчтыгын бузасынар. Башкалардын да тынчытыгын сыйлоо керек. Микрофон жок эле кыйкырсанар болбойбу. Дин иштер боюнча мамлекеттик комиссияга кайрылабыз: ушул мечиттен чыккан азандын кыйкырыгын тыкыр козомолго алып койгулачы. Кээде туну менен арабча ундорду микрофон аркылуу жаныртып салып жатышат.

-4

urmat94

2018-05-25 14:38:06

iryi1,азандын унуно зар болуп калсан экен азыр орозо айы ошого тундосу таравих намазы окулат мечиттерде

zamir_kgz

2018-05-25 14:49:45

iryi1,Радуйся что именно ты слышиш Азан!с

Arman7

2018-05-25 13:45:30

Уруулук фактысы боюнчабы же (уурулукбу)

Mirlan27011987

2018-05-25 15:33:20

Азандын унун азайткыла. Мечиттин ичинен эле микрофон жок эле кыйкырса болот. ХХХХХХХ

-2

sinej

2018-05-25 15:42:45

Таджикстанда былтыр 2000 жакын мечитты ызы чуусу жок эле жаап салышкан, тажиктер исламдашып фанат болуп кетишпесин деп. Бизде деле ушинтип жарым мечитти жаап же болбосо элдин тынчтыгын камсыздап бериш керек эле. Элдин баары эле фанат эмес да. Дин ар ким озу учун, силердин кыйкырыгынар бироо учун эмес. Ар бир уйдо кичинекей наристе, бобоктор, ж.б толтура адамдар бар. Ошолордун да тынчтыгын сыйлай билгиле. Жакшы нерсени уйронгулочу динчилдер.

-1

Belle1212

2018-05-25 22:10:31

Тообаа не деген адамдар булар? Азандын унун очур деп озуно тируулугундо эле тозоктон участок алып аткандарын кара. Тооба кыл, тооба кыл.

Комментарий калтыруу үчүн өз ысымыңыз менен кириңиз же каттоодон өтүңүз.