Дүйнөлүк көчмөндөр оюну үчүн курулган ат майдан боюнча мыйзам бузуулар аныкталды

II Дүйнөлүк көчмөндөр оюнуна карата курулган ат майданды куруудагы мыйзам бузуулар аныкталды. Бул тууралуу УКМКнын маалымат кызматы билдирди.

Маалыматка ылайык, ат майданды куруудагы ортомчулар менен түзүлгөн документтер мамлекеттик экспертизасы жок түзүлгөн.

"Ортомчулар менен түзүлгөн документтер мамлекеттик экспертизасы жок түзүлгөндүктөн курулушка кетүүчү чыгымдар башында белгиленген 480 миллион сомдон 1 миллиард 584 миллион сомго чейин көтөрүлүп кеткен. Мындан сырткары курулуш иштеринин көлөмүн 10 миллион сомдон ашык өлчөмдө жасалма түрдө жогорулаткан фактысы аныкталып, 144 миллион сом каражаттын финансылык отчёттуулугу боюнча документациялары жок болуп чыкты.

Республикалык сертификация борборунун сыноо лабораториясынын экспертизасына ылайык, 31 миллион 398 миң сомго асфальт төшөлгөн жол талаптарга жооп бербейт жана эксплуатациялык мөөнөттөрдүн аягына чейин чыдай албайт.

Ошондой эле 8 миллион 244 миң сомго темирден жасалган ферма долбоорго ылайык салынган эмес жана аны курууда курулуш эрежелерин бузуулар аныкталды.

Объектидеги өзгөчө кырдаалдын кесепеттерин жоюуда ӨКМнын эсебинен өткөрүлө турган иштер үчүн 9 миллион 737 миң сом өлчөмүндөгү каражат мыйзамсыз колдонулган фактысы такталды.

Учурда аталган факт боюнча териштирүү иштери жүрүп жатат, иштин жыйынтыгы менен материалдарга юридикалык баа берилет", - деп жазылат билдирүүдө.

Автор: Сталбек Абдижалил уулу

23:57 28-05-2018

Жазылуу

РУБРИКАДАГЫ СОҢКУ КАБАРЛАР

00:00 2025-06-18 | Түркүн дүйнө

Трамп Иран боюнча бир катар билдирүүлөрдү жасады 919 0

23:49 2025-06-17 | Түркүн дүйнө

Түндүк Кореяга алгачкы ирет Орусиядан поезд жөнөп кетти (видео) 580 0

23:30 2025-06-17 | Түркүн дүйнө

АКШ аралаша баштады... Иран Израилдин эки шаарына эскертүү берди 1633 0

23:22 2025-06-17 | Саясат

Садыр Жапаровдун Астанага болгон иш сапары аяктады 232 0

23:03 2025-06-17 | Түркүн дүйнө

Иран Израилге жаңы ракеталык чабуулун баштады 1375 0

22:45 2025-06-17 | Түркүн дүйнө

Индонезияда Левотоби жанар тоосу атылды (видео) 455 0

Архив

Комментарийлер (18)

Dembele84

2018-05-28 11:09:32

Мына сага,миллиондогон акчалар чубалып эле чыгып атат го,кустуруп нары камагыла жегендерди.Дагы айыма ай жон эле соттошуп убакыт откоруп журо бербей.

toktor89

2018-05-28 11:19:37

Президентибиз мыкты иштеп атат коз тийбесин....

+10

Azatbek.Svoboda.

2018-05-28 12:22:07

toktor89,Президентиң жазуу түрүндө эле иштеп иш жүзүнө аша элек! Каерден көрдүң жок дегенде бир корупциянерди кармап акчасын кустуруп камаганын?! Жөн эле иштен алып жатат. Көрсөткөн сотторубу Воронцовалар! Кыйкырганы эле болбосо эч бир жыйынтык жок кыйкырып койсо сендейлер иштеп жатат дешет. Иштеген адам Мирзийоевдей кыйкырбай мактанбай эле эле жегичтерди кустуруп өлкөсүн өнүктүрүп иштеп жатат!

-4

Kychtyy

2018-05-28 11:25:12

Озу бизде бир нерсе кураарда.жасаарда чиновниктер оло суйунушсо керек. Акча жейбиз деп. Кайсыл буткон ишти караба бут желген. Тобо кандай мамлекетте жашап атабыз

Dalil

2018-05-28 11:52:10

Kychtyy,ооба ошон үчүн Кыргызстанда 15000-20000 маяна менен, хан сарайда жашап, жол тандабаста жүргөн чоңдорубуз көп. Көпчүлүгүбүздүн көз карашыбыз ушундай болуп калган. Алардын ордуна башкасы болсо ал да жебей так иштемек деп эч кимге кепилдик бере албайсын. Себеби көрүп угуп эле жүрөбүз. ЖОЖду жаңы бүткөндөр айлыгына эмес ал иштин майлуу сүттүүлүгүнө карап жумуш ордун тандаган жаштарыбыз көп.

sadir77

2018-05-28 11:44:58

Президентибиз эл учун иштеп жатат, мына чыныгы лидер, президентибизди колдойлу кыргызстандыктар. Эл учун таза иштейм деген президентке кыргыз эли эми аран жетти, алга Сооронбай Жээнбеков кыргыз эли сизди колдойт!

fantomas

2018-05-28 11:54:02

sadir77, иш козголду деп эле угабыз. Ошол чыныгы куноолуулор камалып, жегендерин толук кусуп оздору камалмайынча мен ишенбеймин... Мына ТЭЦтеги акчаларды ким жегенин билбей отурушат бири-бирине шылтап. Ошолорду таап кустурсун, анан айталы. Куру созго ишене бербей...

Azatbek.Svoboda.

2018-05-28 12:25:24

sadir77,Иштей албаган иштей албайт дагын ал айткан сөздү баардыгы айта алат айтыш эмес кылыш керек! Сүйлөп койсо эле мыкты иштеген болобу?

Dalil

2018-05-28 11:57:23

Биздин чоңдор четтен, мамлекеттен бөлүнгөн акчаны жеп коюу боюнча гиннес китебине кире турган болду

Azatbek.Svoboda.

2018-05-28 12:28:18

Буйруса бизге да карапайым элдин арасынан чыккан бир инсан президент келеер. Азыркылар баары эски карышкырлар иштебейт жегичтер.Дагын алты жыл кыйкырып жүрө берет эми!

Rifle_I

2018-05-28 12:55:14

3 айдын ичинде ТЭЦ,тарых музей,Датка-Кемин,муздай эриген жолдор боюнча коррупционерлер камалып, жегенин кустуруп жыйынтык чыгарбаса "мен Кыргыз өлкөсүнүн жараны катары салык төлөөдөн баш тартам" деген билдирүү таратылды.
Жыйынтык күтөбүз.

Rifle_I

2018-05-28 13:05:53

9000 сомдук көчөттөрдү жазбай калдым.

fantomas

2018-05-29 06:00:51

Rifle_I, эн туура, салык толоодон баш тартыш керек...

Mers124

2018-05-28 12:58:00

Тарых музейди да, ТЭЦти да, Иподромду да Сапар Исаков козомолдогон

Rifle_I

2018-05-28 13:06:07

Mers124,башында АША турат

Chungyz

2018-05-28 16:50:04

Козголду кайра жабылды

fantomas

2018-05-29 06:19:03

Бизде кылмыш иши козголо берет, толк жок... Эми пачкалап кылмыш иштери козголо баштады, ким билет аягына чейин чыгып калабы жокпу?!!

PROS

2018-05-29 09:12:46

Коррупция бар, коррупционер жок. Кылмыш иши козголуп эле жатат. Бирок, бирөө жарым жооп берип, жазасын ала элек! (((

Комментарий калтыруу үчүн өз ысымыңыз менен кириңиз же каттоодон өтүңүз.