Мексикада жыл башынан бери 6 журналист кол салуудан каза болду

Мексикалык журналист Эктор Гонсалес Антонио Сьюдад-Виктория шаарында өлгөнчө сабалды. Бул тууралуу чет элдик басылмалар жазып чыгышты.

Маалыматка ылайык, "Imagen" медиа-группасынын журналисти ур-токмокко алынгандан кийин шаардын көчөсүндө каза болгон. Мексиканын бийлиги окуя боюнча иликтөө иштерин баштаган.

Мексикада жалпыга маалымдоо каражаттарынын кызматкерлерине соңку учурда кол салуулар көп болууда. 2017-жылы 12 журналист кол салуудан каза болсо, 2018-жылдын башынан бери 6 журналист курман болушкан. Мексикадагы журналисттердин бирикмесинин маалыматы боюнча, 2010-жылдан бери өлкөдө 76 репортёр каза болгон.

Автор: Бактыяр Кыдыралиев