Астротөлгө: 1-июнь күнү өзүн жогору баалаган адамдар төрөлөбү?

Бүгүн акылдуу, физикалык жактан шамдагай, бардык нерсеге маани берген, сөзмөр адамдар төрөлөт. Табиятынан тамашакөй келип, бир образдагы иштерди жасоону жактырбайт. Дайыма демилге көтөрүп чыккан, башкаларды акылынын тунуктугу, бал тили менен арбап алат.

Коомдогу окуялардан, жаңылыктардан кабардар болуп турат. Кандай кийим мода болсо, буюм, тамак, айтор, жаңы чыккан нерселер менен өзүн камсыздап турган, замандан артта калбаган адам болот. Көпчүлүк учурда элдин көңүлүн өзүнө бургусу келип турат. Ушул күнү жарыкка келген эгиздердин жаратылышы кандай экенин билүү кыйын. Анткени алар оңой эле жеке пикирин, сезимдерин ачыкка чыгара бербейт. Билимине, акылына таянып иш кылганы менен мактана алат. Бирок айрым учурда өздөрүн өтө жогору баалап алышат.

1-июнда жарыкка келген эгиздер мыкты кол өнөрчү болот. Башка улуттун тилин бат өздөштүрүп кетүүгө жөндөмдүү. Адамдар менен тез эле тил табышкандыктан менеджер, жеке ишкер катары карьера жасап кетүү кыйынчылык жаратпайт. Ошондой эле акчаны асманга эсеби жок чача бербеген, сарамжалдуу болушат.

Бул күнү төрөлгөн эгиздер ден соолугуна жакшы кам көрүп, ойлогон максаттарына жетүүгө көбүрөөк аракет кылуусу керек. Ал үчүн бир гана өзүнө болгон ишеним жана өзүн баалоодо объективдүү болгону (өтө жогору баалоодон алыс болгону) жетиштүү.

Автор: Бактыгүл Момбекова