Бишкекте кайрадан кыз ала качуу аракети болду

Бишкекте кечээ, 6-июнда кыз ала качуу аракети катталды. Бул тууралуу интернетке Толкун Кызаева аттуу жаран жазып чыкты.

Маалыматка караганда, окуя кечки саат 19:00 чамасында Чүй көчөсүндө жайгашкан Туризм академиясынын жанында катталганы жазылат. Анда топтошкон балдар күч колдонуу менен бир кызды унаага салып, ала качууга аракет кылышкан.

Бул окуя боюнча милицияга кабар берилген. Ала качуу фактысы катталганын Бишкек ШИИББинин басма сөз кызматкери Адыл Оморов тастыктады.

"Маалымат бизге 19:30да келип түшкөн. Окуя болгон жерге милиция кызматкерлери барып, териштирүү иштерин жүргүздү. Мындан улам Кылмыш-жаза кодексинин 28-155-беренесине (аялды никеге турууга мажбурлоо, никеге туруу үчүн аны ала качуу же анын никеге турушуна тоскоолдук кылуу) ылайык кылмыш иши козголду. Кызды ала качууга шектелип 21 жаштагы Бишкек шаарынын тургуну К.А. жана 28 жаштагы К.К. кармалып, убактылуу кармоочу жайга киргизилди. Учурда тергөө иштери жүрүп жатат", - деди Адыл Оморов.

6-июнда Бишкек шаарынын борбордук аянтында миңден ашык адамдын катышуусу менен "Биз, жаштар – кыз ала качууга жана эрте турмуш курууга каршыбыз" деген аталышта флешмоб болуп өткөн.
Эске салсак, 20 жаштагы Бурулайды ала качып бара жаткан киши аны милициянын бөлүмүндө өлтүргөнү коомдо чоң талкууга алынып, милициянын шалаакылыгына нааразы болгондор көбөйгөн.

Автор: Сталбек Абдижалил уулу

10:28 07-06-2018

Жазылуу

РУБРИКАДАГЫ СОҢКУ КАБАРЛАР

00:00 2025-06-18 | Түркүн дүйнө

Трамп Иран боюнча бир катар билдирүүлөрдү жасады 919 0

23:49 2025-06-17 | Түркүн дүйнө

Түндүк Кореяга алгачкы ирет Орусиядан поезд жөнөп кетти (видео) 580 0

23:30 2025-06-17 | Түркүн дүйнө

АКШ аралаша баштады... Иран Израилдин эки шаарына эскертүү берди 1633 0

23:22 2025-06-17 | Саясат

Садыр Жапаровдун Астанага болгон иш сапары аяктады 232 0

23:03 2025-06-17 | Түркүн дүйнө

Иран Израилге жаңы ракеталык чабуулун баштады 1375 0

22:45 2025-06-17 | Түркүн дүйнө

Индонезияда Левотоби жанар тоосу атылды (видео) 455 0

Архив

Комментарийлер (15)

Nanei

2018-06-07 10:35:24

Тааныбаган кызды ала качуу туура эмес дер ойлойм. Тааныштарымдын кызын омуру корбогон эле бала ала качып кетип 6ай аран жашашты. Жон эле кыздын тагдырын бузуп салды.

pat12

2018-06-07 10:47:59

Кыздардын озунон коп нерсе коз каранды. Озуно бекем туруш керек. Анан динде мындай экен, салтта мындай экен деп коз жумуп отура бербей. Болбосо жапайча ой жугуткон адамдар силерге эч бир бакыт алып келип бербей. Озунорго бекем болгула.

aiba.8327

2018-06-07 11:02:09

Ала качыш керек бирок культурно болбосо кыздардын кобу кара далы болуп кетпейби...ха ха шутка...

Aselim

2018-06-07 11:05:21

Ала качуу бул салт эмес, бул -Кылмыш!!!!
Конулу жок адам менен жашамак тургай, жанында жарым мунот тургун жок го!! Анан кантип омурун ошого байлаш керек. Кыздар, тың болгула, ата -энелер да элдин созуно караганда, кызынын келечегин ойлоп ойдороок койсо! Эч ким мажбурлоого акысы жок! Кыз оз каалоосу менен турмуш курушу керек! Балдары да, ата-энесинин жанжалын эмес, мээримин коруп мандайында чоноюшу зарыл!!!

Diyana

2018-06-07 14:33:23

Aselim,кыздар мин тын болгону менен, бул нерсе кыздан кощ каранды эмесда. Каныбызга синип калган бул нерсе, б.а.кыздарды зордоп эле куйоого беруу. Бул нерсени калтыруу учун айылга барып ар бир уйго кирип бирме-бир тушундуруп чыгышка туура келет чон эне, апа, таеже, эжелерибизге. Арканды узуун таштап ойлоп корсом мындайды калтыруу ото кыйын. Себеби мени деле зордоп эле беришкен, уйдон чыгып кет ошого тийбесен деп журушуп. Карангы дейн десем уйдо баары жогорку билимдуу.

nuri1

2018-06-07 11:08:11

Салты коптун санаасы коп дегендей. Эски салттардан арылыш керек. Эски салттар азыркы замандын ой жугуртуусуно да туура келбейт.

aerforce

2018-06-07 11:33:27

бизде кычап калат күндө айтып жатпайбы камаласың камаласың деп

Dalil

2018-06-07 11:38:49

Кыздын эркине каршы зордоп же бир эле көрүп ала качуу туура эмес андайлардын жазасын катуу берүү керек. Бир кыздын тилин таба албаган эркек ошентип ала качат. Алганга чейин тилин таппаган андан кийин да тилин таба албайт. Ала качуу салтыбызда болгон аны чана албайбыз. Эгер кызды зордоп ала качкан болсо өлүм жазасына чейин берилген. Кыз менен жигиттин көңүлү болуп бирок ата-энеси каршы болсо ала качкан. Мындай учурду "Сынган кылыч" романында да кезиктирсек болот.

tynchy

2018-06-07 11:53:00

Айлда жургон тартынып суйлобогон балдар айла жок ала качат да

modem4999

2018-06-07 12:13:09

tynchy,эми аракет кыла башташса керек досторуна ишенбей.

Djumahmatov

2018-06-07 11:56:53

Мына сага тамаша ха ха, биздин элди токтото албайсын, синишип калган биздин элге

aksy94

2018-06-07 13:43:24

Кыздар эрте турмуш курууга каршыбыздеп чыкты дейби жашмын жашмын деп жургондор азыр 24,25жаш болуп эр таппай жургондор канча озунорчоле ашпыз дейсинерда 20жаш уже турмушка даяр элего

-6

Nevestkaa

2018-06-07 18:50:56

Кыз ала качуунун жаман да жакшы да жактары бар.Жаман жагы кыздын эркине каршы күч колдонуп ала качып турмуш курушса ал нике узак болбой калышы да толук мүмкүн.Жакшы жагы ;Мисалы кыз мн жигит бири бирин жактырат азыркылардай"свадьба"кылганга чөнтөк жука болсо кыздын макулдугу мн ала качты кылып үйлөнүп бактылуу жашагандар да бар.Бир жолу эле ала качууга бөгөт коюп койсо болбой калса кк.Кыз ала качууга закон бар экен,эмне үчүн бузукулук сойкулук кылгандарга закон жок.Мен ушуга таңмын да.

Asyl10

2018-06-07 19:01:20

Кыз менен суйлошуп алып ала качып уйлонуп жашап жаткандар толтура. Кыздын макулдугу болбосо, кучко салып ала качса албетте кылмыш болот да.
Кыз менен жигит копко суйлошуп, анан кыз ата-энесине турмушка чыккантам деп айта албай, ала качканда билет да деп макулдугун берип, жигит спокойно эле машинесине салып алып качып,артынан ата-энеси барып кудаа тушуп эле жашагандар чекеден чыгат.Анан оозу-мурдун басып, суйроп алып качкан туура эмес. Ала качуунун да тартиби,жолу болот да.

Asyl10

2018-06-07 19:05:43

Мындан 10 жыл мурда мен деле курбумдун ала качуусуна катышкам, жигити экоо суйлошуп, анан кечинде кафеден ары эле алып кеткен уйуно, Жолдо баратып, ай Гуля, анан женемдер жоолук салганы киргенде кичине каршылык корсотуп кой ээ деп жигити суранган :-) Кыз макул деп барып, женелери жоолук алып кирсе, жон эле койбодунар да деп колунан жулуп алып,озу эле салынып алган болчу :-) Кийин жигити, Гуля жок дегенде, жоок отурбайм деп койбодун да десе, унутуп калыптырмын дейт. Азыркыча кулобуз эстеп.

Комментарий калтыруу үчүн өз ысымыңыз менен кириңиз же каттоодон өтүңүз.