Чүйдөгү ачкачылык кармаган 59 адамдын ичинен ону колдорун кесип жиберишкен

Чүй облусунун Молдовановка айылында ачкачылык кармаган 59 адамдын ону колдорун кесип алышкан. Бул тууралуу SUPER.KG порталына Жазаларды аткаруу мамлекеттик кызматынын басма сөз кызматынан кабарлашты.

"59 адамдын ону оозун тигип алган болсо, дагы он адам өз колдорун кесип жиберишкен. "Тамырын кести" деген маалымат жаңылыштык, колдорун эле тилип алышкан. "Смотрящий" пайда болуп, өз күчүн көрсөтүп жатат деген нерсе бизде жок, абакта андай түшүнүк да жок, камалгандардын баары соттолгондор", - деп билдирди басма сөз кызматы.

Айта кетсек, бүгүн, 8-июнда Чүй облусунун Молдовановка айылында жайгашкан түзөтүү колониясындагы 59 адам ачкачылык кармап, алардын ичинен ону оозун тигип алган. Алардын талаптары камераларды ачык коюу сыяктуу жана башка талаптар болгон.