Кара-Кулжада жашы жете элек кыз менен никеге турган жигит балалуу болгондон кийин соттолду

Кара-Кулжа райондук соту жашы жете элек кыз менен никеге турган Нурланга (А.у.Н. аты өзгөртүлдү) карата чечимин чыгарды. Бул тууралуу Жогорку Соттун расмий сайтында жарыяланды.

Эмнеге күнөөлөп жатат?

Соттолуучу Нурлан Жазгүл (С.Ж. аты өзгөртүлдү) менен таанышып, аны менен кыз-жигит болуп сүйлөшүп жүрүп Жазгүлдүн жашы никеге туруу курагына толо электигин билип туруп, аны менен никелешип үйлөнгөн.

Айыпталуучу эмне дейт?

Кара-Кулжа айылындагы кесиптик лицейде окуп жүргөн учурда таанышканын, кийин Жазгүл менен баш кошуу тууралуу сүйлөшүп, ал макул болгондо нике кыйдырып үйүнө алып барган. Мындан сырткары Жазгүлдүн туугандары экөөнүн баш кошконунан кабардар болушкан. Ошондой эле жубайынын жашы нике курагына жете электигин билгенин көрсөтмө берген.

Жазгүл эмне дейт?

Үч жашында ата-энеси ажырашып кетип таятасынын колунда чоңойгон. 8-класска чейин Кара-Кулжа айылында окуган. Кийин лицейде окуп жүргөн мезгилде Нурлан менен таанышып кыз-жигит болуп сүйлөшүп жүргөн. Кийин өз ара баш кошууну сүйлөшүп молдого нике кыйдырышканын, молдо андан жашын сураганда ал айтпай койгонун, жолдошу анын жашы жете электигин биле турганын айткан.

Кызды төрөткөн акушер Жаңылай (Р.Ж. аты өзгөртүлдү) эмне дейт?

Жумушка нөөмөт боюнча ишке келгенин, Жазгүл уул төрөгөнүн, ал төрөт үйүнө түшкөндө жанында паспорту жок болгондуктан эненин тарых баракчасында туулган жылы толтурулбай калган. Жазгүлдү төрөт үйүнөн чыгарып жатканда жашы жете элек экени аныкталган. Мындан улам Жаңылай жетекчиликке билдирүү берген.

Жазгүлдүн таажеңеси Толгонай (Ж.Т. аты өзгөртүлдү) эмне дейт?

Нурландын атасы жаштар өздөрүнчө нике кыйдырып алганын, Жазгүлдүн таятасынын алдына кулдук уруп келгенин айткан. Бирок Жазгүлдүн жашы жете электигин, мындан улам макул болбой турганын айтышкан. Ал эми Нурландын атасы алар буга чейин эле нике кыйдырып алганын билдирген.

Натыйжада

Райондук сот Нурланды 2 жылга шарттуу түрдө эркиндигинен ажыраткан.

Автор: Бактыяр Кыдыралиев

16:03 13-06-2018

Жазылуу

РУБРИКАДАГЫ СОҢКУ КАБАРЛАР

00:00 2025-06-18 | Түркүн дүйнө

Трамп Иран боюнча бир катар билдирүүлөрдү жасады 919 0

23:49 2025-06-17 | Түркүн дүйнө

Түндүк Кореяга алгачкы ирет Орусиядан поезд жөнөп кетти (видео) 580 0

23:30 2025-06-17 | Түркүн дүйнө

АКШ аралаша баштады... Иран Израилдин эки шаарына эскертүү берди 1633 0

23:22 2025-06-17 | Саясат

Садыр Жапаровдун Астанага болгон иш сапары аяктады 232 0

23:03 2025-06-17 | Түркүн дүйнө

Иран Израилге жаңы ракеталык чабуулун баштады 1375 0

22:45 2025-06-17 | Түркүн дүйнө

Индонезияда Левотоби жанар тоосу атылды (видео) 455 0

Архив

Комментарийлер (9)

Nurzada_0111

2018-06-13 16:25:49

Жарык дүйнөгө жаны келген ымыреайды ким багат?

Nurbollot

2018-06-13 16:25:58

Үйлөнүп таштап кетбептирго тим койгула жаш жубайларды

+25

Mirlan27011987

2018-06-13 16:31:51

Туура чечим. Мындайларды катуу жазалаш керек. Болбосо эртен бироонун жашы жете эле кызын зордуктай беришет. Чон сабак болуш керек.

-6

ilgiz-kg01

2018-06-13 20:16:55

Шарттуу түрдө кесилиптир эчтеке эмес

Nevestkaa

2018-06-13 20:22:55

Шарттуу түрдө дегени жанагы айына бир жолу барып ээээ мен мында деп көрүнүп турганыбы?Андай эле адилеттүү эккнсиңер өзбектерди да текшергиле алар 16жашында эле турмушка чыгышат.Жакшына жашап атса жөн эле бак тилеп койгула да.

Mamiev

2018-06-13 21:31:24

Жоок камаш керек мындайларлы.Себеби карапайым да.А Салянова бир депутат анын кызы чонойгончо кутушот.Акмак бийликтин закону карапайым анан эл учун ак иштеген адамга гана иштейт.Чыркырап чындык издегендер канча да чындык менен акыйкатты корбой кор болгондор канча?

-1

Crystal

2018-06-13 22:11:18

Бактылуу жашап атабы тек койгула

Айдай

2018-06-14 10:27:30

5 баласы менен таштап кеткендер толтурго ошолорго чара корбойбу...

Yasmina87

2018-06-14 18:33:04

Муну койуп олтургондорун норм камап алгылачы,камап аялына эр баласына ата болуп бергиле анда.

Комментарий калтыруу үчүн өз ысымыңыз менен кириңиз же каттоодон өтүңүз.