Ошто үй ээсинин жансыз денеси короосунан табылды. Анын өлүмүнө аялы менен баласы шектелүүдө

Ош облусунун Кара-Суу районунда үй ээсин өлтүргөн деп аялы жана 16 жаштагы баласы шектелүүдө. Бул тууралуу SUPER.KG порталына Ош ОИИБинин басма сөз кызматкери Жеңиш Ашырбаев билдирди.

Маалыматка ылайык, кылмыш иши 15-июндан 16-июнга караган түнү болгон.

"17-июнь күнү маркумдун туугандары түнкү саат 2лер чамасында милиция бөлүмүнө кабар беришкен. Анда алардын бир тууганы дайынсыз болуп жатканын айтышкан. Окуя болгон жерге ыкчам иликтөө тобу барган убакта үй ээсинин аялы үйдөн качып кеткен. Алар үйдү тинтүүгө алышканда кан болгон төшөктөрдү аялы өрттөп жатканын көрүшкөн. Бирок дайынсыз жоголгон жаран ал күнү табылган эмес. Эртеси огороддон жаңы казылган жерди байкап, казып көрүшкөндө изделип жаткан 42 жаштагы үйдүн кожоюнунун жансыз денеси табылган", - деди маалымат катчы.

Ыкчам иликтөө тобу шектүү катары жабырлануучунун аялын кармашкан. Ал эми бул үй-бүлөнүн 16 жаштагы баласы атасынын жансыз денеси табылганга чейин "атам Орусияга иштегени кеткен" деп айтып берген. Бирок маркумдун сөөгү табылган соң алгачкы суракта 16 жаштагы бала "апам экөөбүз кокустан өлтүрүп алдык" деп айткан. Учурда окуя боюнча кылмыш иши козголуп, иликтөө иштери башталды.

Автор: Айсалкын Качкынбекова

07:35 21-06-2018

Жазылуу

РУБРИКАДАГЫ СОҢКУ КАБАРЛАР

00:00 2025-06-18 | Түркүн дүйнө

Трамп Иран боюнча бир катар билдирүүлөрдү жасады 919 0

23:49 2025-06-17 | Түркүн дүйнө

Түндүк Кореяга алгачкы ирет Орусиядан поезд жөнөп кетти (видео) 580 0

23:30 2025-06-17 | Түркүн дүйнө

АКШ аралаша баштады... Иран Израилдин эки шаарына эскертүү берди 1633 0

23:22 2025-06-17 | Саясат

Садыр Жапаровдун Астанага болгон иш сапары аяктады 232 0

23:03 2025-06-17 | Түркүн дүйнө

Иран Израилге жаңы ракеталык чабуулун баштады 1375 0

22:45 2025-06-17 | Түркүн дүйнө

Индонезияда Левотоби жанар тоосу атылды (видео) 455 0

Архив

Комментарийлер (8)

AzKumFerDan

2018-06-20 19:45:13

Тобо .15жыл мурун биздин айылда да ушундай окуя болгон эле апасы менен баласы олтуруп алып баласын камашкан 3жылдан сон кайра апасы чыгарып алган

Nanei

2018-06-20 19:59:16

Тобоо дегенден башка соз жок

ady-88

2018-06-20 21:33:21

Азыркы заманда койнунда жаткан аялына да ишениш кыйын

+10

evidens

2018-06-21 00:44:25

ady-88,эн туура

Arystanov.B

2018-06-21 05:02:28

Астагьфиру-л-лахи! Акыр замандын белгилери!

anGelina-345

2018-06-21 08:26:09

Телевизордон деле, сайттан деле айтор маалымат булактарынан адам өлтүрдү, зордуктады, машина урду , атасы кызын зордогон деп бажырайтып атсаңар, элдердин деле психологиясы бузулат да, илгери жалаң жакшы маалымат таратышкан экен, азыр чоңураак чычып койсо деле чыгараберет

+11

Spartak16

2018-06-21 09:00:31

anGelina-345,Азыр башкаруунун начардыгынан ар ким өз билгенин кылып койчо жайылып кетти. Болбсо өлтүрүү зордуктоо тууралуу кабарларды чыгарыштын кимге кереги бар. Өз2үлөрүнчө өз жазасын алсын. Чон жанылык таба калгансын минутунан куру калбай сүйүнчүлөп чыгара каласынар өлтүрүп ийди зордуктап салды деп. Мындай нерселер жабык бүткөнү он. Эге жарыя кылып элдин психологиясын бузуп ого бетер киши өлтүргүчтөр көбөйүүдө. Эөнөкөй адамсынбы журналистсинби эс акыл менен акыл калчап иш алып барсак дейм.

Kattaldym

2018-06-21 15:29:48

аялы качып кеткен, аялы орттоп атканын корушкон... эмне деп эле жаза бересинер супер? озунор жазганынарды озунор окуйсунарбы?

Комментарий калтыруу үчүн өз ысымыңыз менен кириңиз же каттоодон өтүңүз.