Жалал-Абадда ишкерди акча бербесең буту-колуңду сындырып, өлтүрүп кетебиз деп коркуткан уюшкан кылмыштуу топтун мүчөсү кармалды

Жалал-Абад облусунда жеке ишкерди коркутуп акча талап кылган уюшкан кылмыштуу топтун мүчөсү кармалды. Бул тууралуу SUPER.KG порталына Жалал-Абад ОИИБинин басма сөз кызматы билдирди.

Окуя 25-майда болгон. Ишкер бул окуяны убагында коркуп эч кимге айткан эмес. Бирок оперативдүү келген маалыматтардын негизинде милиция кызматкерлери ишкер менен жолугушкан. Анда ал буларды айтып берген.

"25-май күнү саат 16:00 чамасында өзүм иштеген Сузак районунун аймагындагы таш заводумда жүрсөм Замир аттуу бейтааныш бала "Сиз менен менин башчыларым сүйлөшөлү деп жатышат" деп айткан. Бирок ал мени алдоо жолу менен Жалал-Абад шаарына алып барган. Ал жактан белгисиз адамдар "таш заводуңду жабасың же 10 миң доллар акча бересиң, болбосо буту-колуңду сындырып, өлтүрүп салабыз" деп коркутуп, андан соң сабашкан. Жанымдагы 30 миң сом акчамды алып, кайра үйүмө алып келип дагы 85 миң сомумду алып кетишти", - деген жабырлануучу ишкер.

Бул факты боюнча Кылмыш-жаза кодексинин 170-беренеси (опузалап акча талап кылуу) менен кылмыш иши козголгон. Териштирүү иштеринин негизинде 18-июнь күнү уюшкан кылмыштуу топтун мүчөсү катары ИИМдин каттоосунда турган Сузак районунун 1985-жылы туулган Н.З. аттуу тургуну кармалган. Учурда шектүү 2 айга камакка алынып, тергөө амалдары жүрүүдө.

Автор: Айсалкын Качкынбекова

19:58 20-06-2018

Жазылуу

РУБРИКАДАГЫ СОҢКУ КАБАРЛАР

19:47 2025-06-17 | Саясат

Жазуучу Чыңгыз Айтматовдун кебин айтып... Садыр Жапаров Астанадагы саммитте эмне деди? 144 0

19:19 2025-06-17 | Түркүн дүйнө

Борбор Азиянын жарандары да бар... Ирандан 600дөн ашуун адам эвакуацияланды 202 0

18:58 2025-06-17 | Түркүн дүйнө

Иранда абактагы жардыруудан кийин соттолгондордун качкан видеосу тарады 936 0

18:31 2025-06-17 | Кылмыштар, кырсыктар

Кинофестивалга жарым жылаңач болуп барган блогер сөгүнгөнү үчүн 3 суткага камалды (видео) 1364 0

18:07 2025-06-17 | Түркүн дүйнө

Израил-Иран чатагы: Европа өлкөлөрү жарандарын эвакуациялай баштады 599 0

17:53 2025-06-17 | Саясат

Садыр Жапаров "Борбордук Азия – Кытай" саммитине катышууда 268 0

Архив

Комментарийлер (3)

Kosmos2013

2018-06-20 20:24:53

Мындайларды каттуу жазалаш керек!!!

maks992

2018-06-20 21:01:09

ушундай адамдар көбөйүп жатат закон негизинде оор жаза колдонуу керек мындай адамдарга

AKCAHAT

2018-06-20 22:12:52

Анапияев, Колбаев ХХХХХХХХХХХХ десе беттен алып аларды кудайга тенегендер четтен чыгат, жаштар окумуштуу же билимдуу инсан болуунун ордуна чёрныйларды авторитет тутушат. Мына жыйынтык бироо олгудой болуп иш ачат, бекерпоз доопарастар даяр тамака бутун тыгып чыгышат.

Комментарий калтыруу үчүн өз ысымыңыз менен кириңиз же каттоодон өтүңүз.