Бишкек шаарында "Спортко кошул" аталыштагы фестиваль өтөт

Бишкек шаарында "Спортко кошул" аталыштагы фестиваль өтөт. Бул тууралуу Жаштар иштери, дене тарбия жана спорт боюнча мамлекеттик агенттигинин басма сөз кызматы кабарлады.

Белгилүү болгондой, иш-чара 23-июнда Дөлөн Өмүрзаков атындагы стадиондо орун алат. Алгачкы жолу өткөрүлүп жаткан спорттук фестивалда фитнестин аэробика, зумба, тае-бо түрлөрү боюнча мастер-класстар уюштурулат.

Спорттук иш-чаранын алкагында спорттук товарлардын, дүкөндөрдүн, клубдардын жарманкеси жана көргөзмөсү болот.

"Фестиваль жаңы өңүттө уюштурулуп жатат. Фестиваль спорттук мекемелердин ортосундагы достук мамилени чыңдайт деген үмүттөбүз. Мындан сырткары иш-чара спорт өкүлдөрүнүн бири-бири менен алака түзүүгө жакшы мүмкүнчүлүк түзүлөт", - деп билдиришти агенттиктен.

Автор: Айзада Тураркулова