Түз эфирде журналист кызды өөп кеткен футбол күйөрманы кечирим сурады

Түз эфирде журналист кызды өөп кеткен футбол күйөрманы кечирим сурады. Бул тууралуу орусиялык басма сөз каражаттары жазып чыгышты.

Белгилүү болгондой, өзүн Руслан деп атаган футбол күйөрманы каналдын Москвадагы кеңсесине келип журналист кызга видео менен байланышка чыгып кечирим сураган.

"Мен жеңил ойлуулук кылдым. Менин бул кадамым сизди ыңгайсыз абалга алып келет деп ойлогон эмесмин. Сиздин жумушуңуз оор экенин жакшы түшүнөм жана келечекте мындай жагдайга туш болбойсуз деп ишенем. Мени кечирип коюңуз", - деген Руслан.

Буга чейин "Deutsche Welle" каналынын журналист кызы түз эфирде сүйлөп жаткан мезгилде бейтааныш киши келип бетинен өөп кеткен видео интернетке тарап, кеңири талкууга алынган.

Автор: Айзада Тураркулова