Баткенде өлкөгө мыйзамсыз ташылып келген мөмө-жемиштин баасы 800 миң сомду түздү

Кадамжай районунан өлкө аймагына аткезчилик жол менен ташылып келген кургатылган мөмө-жемиштер кармалган. Бул тууралуу Каржы полициясынын маалымат кызматынан кабарлашты.

Маалыматка караганда, окуя май айында катталаган, ал эми кармалган товардын баасы бүгүн, 23-июнда жарыяланды.

“Каржы полициясынын кызматкерлери 25-майда Кадамжай районунда жана Кызыл-Кыя шаарында өлкө аймагына товарларды аткезчилик жол менен алып келүүгө каршы ыкчам-иликтөө иш чарасын өткөргөн. Натыйжада Ош-Баткен жолунан Д.Р. аттуу жаран башкарып бараткан “DAF” үлгүсүндөгү жүк ташуучу унаа токтотулган. Унааны текшергенде тиешелүү документтери жок кургатылган жемиштер (коон, кайналы, жер жаңак ж.б) табылган.

Соода-өнөр жай палатасынын корутундусу боюнча, товарлардын жалпы базар баасы 800 миң сомдон ашык акча каражатын түзгөн", - деп жазылат билдирүүдө.

Бул факт боюнча Кылмыш-жаза кодексинин 204-беренеси (аткезчилик) боюнча кылмыш иши козголуп, учурда тергөө иштери жүрүп жатканы айтылат.

Автор: Сталбек Абдижалил уулу

11:58 23-06-2018

Жазылуу

РУБРИКАДАГЫ СОҢКУ КАБАРЛАР

19:47 2025-06-17 | Саясат

Жазуучу Чыңгыз Айтматовдун кебин айтып... Садыр Жапаров Астанадагы саммитте эмне деди? 144 0

19:19 2025-06-17 | Түркүн дүйнө

Борбор Азиянын жарандары да бар... Ирандан 600дөн ашуун адам эвакуацияланды 202 0

18:58 2025-06-17 | Түркүн дүйнө

Иранда абактагы жардыруудан кийин соттолгондордун качкан видеосу тарады 936 0

18:31 2025-06-17 | Кылмыштар, кырсыктар

Кинофестивалга жарым жылаңач болуп барган блогер сөгүнгөнү үчүн 3 суткага камалды (видео) 1364 0

18:07 2025-06-17 | Түркүн дүйнө

Израил-Иран чатагы: Европа өлкөлөрү жарандарын эвакуациялай баштады 599 0

17:53 2025-06-17 | Саясат

Садыр Жапаров "Борбордук Азия – Кытай" саммитине катышууда 268 0

Архив

Комментарийлер (5)

Tolkun555

2018-06-23 12:29:26

Баткендиктер ушул бизнес менен алектенип бала чакасын багат. Дагы эмне

Tolkun555

2018-06-23 12:32:55

Кылсын байкуштар.муну дагы аткезчилик деп кармап аласынар 1сом берип койгонсуп. Саат сайын калонна болуп тажикистанга отуп жаткан бензин менен иттин иши жок. Себеби ага духунар жетпейт.

Avtandil.

2018-06-23 13:17:55

Tolkun555, 100 пайыз кошулам

Dalil

2018-06-23 16:26:25

Tolkun555, мамлекет жеке ишкерлерди өнүктүрөбүз деген сөздөрдү айтып келет. Бирок иш жүзүндө ага карама-каршы иш болуп жатат. М: бир жеке бизнес баштоо үчүн райондук же шаардык салык бөлүмүнө катталасын, жеке ишкер деген күбөлүк аласын, эгер электр энергиясын иштетчүү болсоң толгон токой документ толтурасын уруксат алуу үчүн. Мунун баарын ишти баштабай жатып төлөйсүн. Бизде жеке ишкерлерди өнүктүрбөй эле жогорудагыларга жетип албасын дегендей эле мамиле кылышат

mira.turdueva1991

2018-06-23 13:19:52

Карапайым элге эле кучу жетет ал эмне кылмыш кылып жатыптырбы эч кимге зыяны тийбей тиричилиги менен убара болуп оз жанын багып жатат же эмне уурдап кетип жатабы тооба. Сыягы акча бербей койгонго акча бергенде тоспойле откоруп иймек.

Комментарий калтыруу үчүн өз ысымыңыз менен кириңиз же каттоодон өтүңүз.