Кереметтүү көл жээгинде "Менин мекеним - Кыргызстан" эл аралык балдар фестивалы өтөт

Кереметүү көл жээгинде "Менин мекеним - Кыргызстан" эл аралык балдар фестивалы өтөт. Бул тууралуу Билим берүү жана илим министрлиги билдирди.

Маалыматка ылайык, эл аралык балдар фестивалы 26-июндан 2-июлга чейин Ысык-Көлдө өтөт. Бул маданий иш-чараны Билим берүү жана илим министрлиги "Сейтек" борбору менен биргеликте уюштуруп жатат. Фестивалга жалпысынан 600дөн ашуун бала катышат.

Фестивалдын жүрүшүндө ар кандай сынактар, көңүл ачуучу оюн-зооктор уюштурулуп, концерт тартууланат.

"Иш-чаранын негизги максаты ар кайсы өлкөлөрдөн келген балдар арасындагы карым-катнашты күчөтүү, бири-бирине, бөтөн маданиятка болгон сый-урматты бекемдөө жана достукка үндөө болуп саналат", - деп билдирди уюштуруучулар.

Автор: Айзада Тураркулова