Бүгүн, 24-июнда Орусияда өтүп жаткан футбол боюнча Дүйнө чемпиондугунун тайпалык баскычынын беттештери уланат. Анда "Төмөнкү Новгород" стадионунда "G" тайпасынын алкагында Англия-Панама беттеши орун алат. Беттештин башкы калысы Геад Гриша (Египет) болмокчу.
17:43. Англия курамасынын тизмеси:
- Дарбазачы: Жордан Пикфорд ("Эвертон").
- Коргоочулар: Киран Триппьер ("Тоттенхэм"), Харри Магуайер ("Лестер"), Жон Стоунс, Кайл Уолкер ("Манчестер Сити").
- Жарым коргоочулар: Жордан Хендерсон ("Ливерпуль"), Жессе Лингард, Эшли Янг ("Манчестер Юнайтед"), Рубен Лофтус-Чик ("Челси");
- Чабуулчулар: Рахим Стерлинг ("Манчестер Сити"), Гарри Кейн ("Тоттенхэм").
- Башкы машыктыруучу: Гарет Саутгейт (Англия).
17:50. Панама курамасынын тизмеси:
- Дарбазачы: Хайме Пенедо ("Динамо", Румыния).
- Коргоочулар: Эрик Давис ("Дунайска Стреда", Словакия), Фидель Эскобар ("Нью-Йорк Ред Буллз", АКШ), Михаэль Мурильо ("Нью-Йорк Ред Буллз", АКШ), Роман Торрес ("Сиэтл Саундерс", АКШ);
- Жарым коргоочулар: Эдгар Барсенас("Тапачула", Мексика), Армандо Купер ("Универсидад де Чили", Чили), Анибаль Годой ("Сан-Хосе Эрткуэйкс", АКШ), Габриэль Гомес ("Букараманга", Колумбия), Хосе Луис Родригес ("Гент", Бельгия);
- Чабуулчулар: Блас Перес ("Мунисипаль", Гватемала).
- Башкы машыктыруучу: Эрнан Дарио Гомес (Колумбия).
17:53. Командалар оюн талаасына чыгышты. Алгач Англиянын, андан соң Панаманын мамлекеттик гимни жаңырат.
17:57. Командалар учурашып, беттеш бир нече мүнөттөн кийин башталат.
17:58. Оюнга топту алгач Англия курамасы кошот.
18:00. Калыстын ышкырыгы жаңырып, беттеш старт алды.
18:01. Алгачкы мүнөттөрдөн англиялыктар чабуулга чыгып, атаандашынын айып аянтчасынан эреже бузду.
18:02. Жейси Лингард менен Гомес сүзүшүп медициналык жардам алышты.
18:03. Эдгар Барсенас алыстан сокку узатып таамай болгон жок. Топ дарбазадан бир топ алыс өттү.
18:04. Анибал Годой айып аянтчанын ичине кирип сокку узатты. Бирок ал таамай болгон жок.
18:05. Англиялык коргоочулар эреже бузуп, топ панамалыктарда.
18:06. Трипьер оң канаттан чабуулга чыгып командасына топту бурчтан чыгаруу мүмкүнчүлүгүн алып келди.
18:07. Г-о-о-о-о-о-л!!! Эсеп 1:0. Жон Стоунс бурчтан чыгарылган топту башы менен дарбазага багыттап эсеп санын ачты.
18:09. Талаанын орто бөлүгүндө Армандо Купер атаандашына каршы орой ойногону үчүн сары айып кагазы менен белгиленди.
18:10. Панама курамасы контр-чабуулга чыгып кооптуу абал жаратты. Барсенастын айып аянтчага көтөрүлгөн тобунда алгач коргоочулар болду.
18:11. Гарри Кейн офсайд абалында болуп, калыс чабуулду токтотту.
18:12. Азырынча Панама курамасы топко ээлик кылып, чабуулга чыгуу аракетин көрүүдө.
18:13. Англиялык футболчу Роман Торреске каршы эреже бузганга үлгүрдү.
18:14. Эдгар Барсенас айып аянтчанын сыртынан сокку узатып, англиялыктарды тынчсыздандырды. Анын дарбазага узаткан соккусу таякчанын жанынан өтүп кетти.
18:15. Стерлинг эреже бузду. Панамалыктар айып сокку аткарышат.
18:16. Роман Торрес жаракат алып, талаадан сырткары медициналык жардам алууда.
18:17. Торрес кайрадан оюнга кайтып келди.
18:18. Англиялыктар топко ээлик кылып чабуулга чыгуу аракетин көрүүдө.
18:19. Роман Торрес Стерлингге каршы айып аянтчанын ичинен эреже бузду. Калыс англиялыктарга пенальти тебүүгө мүмкүнчүлүк берет.
18:20. Пенальтини Гарри Кейн аткармай болду.
18:21. Го-о-о-о-о-л! Гарри Кейн пенальтини мыкты аткарды. Хайме Пенедо топту тосуп алганга үлгүргөн жок.
18:22. Рубен Лофтус-Чик эреже бузуп сары айып кагазын алды.
18:24. Лингард оюн эрежесин бузуп калыс беттешти токтотту. Топ панамалыктарда.
18:25. Рахим Стерлинг айып аянтчага кирип келген, бирок ал офсайд абалында болуп калды.
18:26. Топко панамалыктар ээ болуп чабуулга чыгуу аракетин көрүүдө.
18:28. Хосе Луис Родригес сол канаттан айып аянтчага кирип келип сокку узатты. Бирок ал таамай болбой, топ дарбазадан бир топ жогору өттү.
18:29. Анибаль Годой талаанын орто бөлүгүндө эреже бузду. Топ англиялыктарда.
18:30. Стерлингге каршы эреже бузулду. Англиялыктар айып сокку аткарат.
18:31. Харри Магуайер айып аянтчанын ичинен башы менен сокку узатып таамай болгон жок.
18:32. Топко ээлик кылуу боюнча статистикада: Англия - 56 пайыз, Панама - 44 пайыз.
18:33. Топту англиялыктар өзүнүн карамагына алып кооптуу чабуул аткарууга аракет жасоодо.
18:34. Соккулар боюнча статистикада 2:3 Панама көбүрөөк сокку узаткан.
18:35. Г-о-о-о-л! Дейси Лингард айып аянтчанын ичинен сокку узатып эсепти өзгөрттү. Дарбазачыга тосуп алууга мүмкүн болгон жок.
18:37. Блас Перес айып аянтчага көтөрүлгөн топко жетишпей калып сокку узата алган жок. Кооптуу абал орун алды.
18:38. Панамалыктар эреже бузуп, Трипьер айып сокку аткарат.
18:39. Г-о-о-о-о-о-л! Жон Стоунс 2-голун киргизди. Айып аянтчага көтөрүлүп берген топто алгач Стерлинг жетип сокку узаткан, бирок дарбазачы топту Стоунска кайтарып, Стоунс башы менен гол киргизди.
18:40. Англиялыктар соккулар боюнча статистикада көрсөткүчүн 5 соккуга жетикирди. Алардын баары таамай болду.
18:41. Лингард алыстан сокку узатып топ коргоочуга тийип калды. Англиялыктар топту бурчтан чыгарат.
18:42. Панамалык коргоочулар айып аянтчадан эреже бузуп, калыс англиялыктарга пенальти аткарууга мүмкүнчүлүк берди.
18:43. Фидель Эскобар эреже бузганы үчүн сары айып кагазын алды.
18:44. Пенальтини Гарри Кейн аткарат.
18:45. Г-о-о-о-л! 5:0. Гарри Кейн 2-пенальтисин аткарып, 2-голун киргизди. Эсеп 5:0.
18:46. 1-таймдын негизги убактысы жыйынтыкталып, калыс 2 мүнөт кошуп берди.
18:47. Калыстын ышкырыгы жаңырып 1-тайм аягына жетти.
19:03. Калыс 2-таймга старт берди.
19:05. Англиялыктар топко ээ болуп кайрадан чабуулга чыкты.
19:07. Панамалыктар топту алып чабуул жасашты, бирок ал ийгиликсиз болду.
19:09. Анибал Годой атаандашына каршы орой ойноп эреже бузду.
19:10. Рубен Лофтус-Чик айып аянтчага кирип келүү аракетин көргөн, бирок коргоочулар жакшы ойноп, топту талаадан сырткары чыгарды.
19:12. Топко ээлик кылуу боюнча статистикада Англия 60 пайга ээ болду.
19:14. Хосе Луис Родригес чабуулда эреже бузду. Топ англиялыктарда.
19:15. Киран Триппьер оң канаттан чабуулду курчутууга аракет жасаган, бирок калыс офсайд абалын байкап чабуулду токтотту.
19:16. Рахим Стерлинг талаанын орто бөлүгүндө оюн эрежесин бузду.
19:19. Г-о-о-о-о-л! Гарри Кейн 3-голун киргизди. Рубен Лофтус-Чик айып аянтчанын сыртынан сокку узаткан, топ Кейнге тийип дарбазачы тосуп алганга жетишкен жок.
19:20. Англия курамасында оюнчу алмаштырылды. Жейми Варди Гарри Кейндин ордуна чыкты.
19:22. Панама курамасында дагы алмаштыруу орун алды. Рикарду Авила оюн талаасына Анибал Годойдун ордуна чыкты.
19:24. Майкл Мурильо айып аянтчанын ичинен сокку узатып, анын соккусун коргоочулар кайтара алды.
19:26. Панама курамасында алмаштыруу. Йоэль Барсенас оюн талаасынан кетип анын ордуна Абдиэль Арройо чыкты.
19:27. Дагы бир алмаштыруу Габриэль Гоместин ордуна Фелипе Балой чыкты.
19:28. Гарет Саутгейт курамасында алмаштыруу жасады Дэнни Роуз Киран Триппьердин ордуна оюн талаасына чыкты.
19:29. Майкл Мурильо атаандашына каршы орой ойноп сары айып кагазы менен белгиленди. Англиялыктар айып сокку аткакеттират.
19:30. Жордан Хендерсон алыскы аралыктан сокку узатып, гол киргизгенге аз калды. Топ дарбазанын жанынан өтүп .
19:33. Роман Торрес эсеп санын өзгөртүү мүмкүнчүлүгүнөн колдоно алган жок. Ал бурчтан чыгарылган топту кубаттуу соккусу менен дарбазага багыттап таамай болгон жок.
19:35. Армандо Куперге каршы эреже бузулду. Панамалыктар айып сокку аткарат.
19:36. Г-о-о-о-о-л! Эсеп 6:1. Фелипе Балой айып аянтчага чыгарылган топту дарбазага багыттап Жордан Пикфордго тосуп алууга мүмкүнчүлүк берген жок.
19:39. Стерлинг алыскы аралыктан сокку жасап бир аз таамай болбой калды. Топ дарбазанын жанынан өтүп кетти.
19:42. Статистикага көңүл бурсак, Англия курамасы 60 пайыз топко ээлик кылууда.
19:44. Панама курамасы топту алып 2-голун киргизүү аракетин көрүп жатышат. Азырынча чабуулдары ийгиликсиз.
19:46. Стерлингге каршы эреже бузулду. Англиялыктар айып сокку аткарат.
19:47. Айып соккуну Эшли Янг аткарып, анын соккусу айып аянтчадагы оюнчуларга тийип дарбазачынын колуна барды.
19:48. Беттештин негизги убактысы жыйынтыкталып калыс 4 мүнөт кошуп берди.
19:50. Беттештин акыркы мүнөттөрүндө Панама курамасы топко ээ болуп чабуул аракетин көрүүдө.
19:51. Эрик Давис айып аяничанын ичинен сокку узатып коргоочуга тийип калды.
19:52. Калыстын ышкырыгы жаңырып беттеш соңуна жетти.
19:53. Бул жеңиш менен Англия курамасы "G" тайпасында 6 упайга ээ болуп плей-офф баскычына өттү. Ал эми Панама курамасы упайсыз болуп, плей-оффго чыгуу мүмкүнчүлүгүн жоготту.
19:54. Гарри Кейн бул беттештеги 3 голу менен Дүйнө чемпиондугунда голдордун санын 5ке жеткирип бомбардирлердин тимесинде 1-орунга көтөрүлдү. Ал эми 2-орунда Криштиану Роналду жана Ромелу Лукаку.
