Түштүк Кореянын жеңиши Мексикага плей-офф баскычына чыкканга мүмкүнчүлүк берди. Мексикалыктар кореялыктарга ыраазычылыгын кантип билдирүүдө?

Кечээ, 27-июнда Дүйнө чемпиондугунун тайпалык оюндарынын алкагында Түштүк Корея-Германия беттеши орун алды. Анда Түштүк Кореянын курамасы Германия курамасын 2:0 эсебинде утуп алды. Бул жеңиши менен кореялыктар өздөрү плей-офф баскычына чыкпаса дагы Мексиканын плей-офф баскычына өтүшүнө өбөлгө түзүп бере алышты.

Улуттук курама команданын жеңишин бүткүл Мексика майрамдады. Мехикодогу Түштүк Кореянын консулуна чогулгандар ыраазычылык билдирип, жадакалса жергиликтүү тургун кубангандан консулду ийинине отургузуп алган. Чогулган тургундардын кубанычын консул тең бөлүшүп текила ичкенге үлгүргөн.

Ал эми Орусиянын аймагында жүргөн Мексика курама командасынын күйөрмандары Түштүк Корея курамасынын күйөрмандарына келип ыраазычылык билдирип, ар кандай флешмоб, майрамдарды уюштурууда. Социалдык тармактарда мексикалыктар атайын колдору менен көздөрүн бүтүйтүп алып ыраазычылыктарын билдиргендер да болгон.

Автор: Айзада Тураркулова