Ошто уюшкан кылмыштуу топтун мүчөлөрү 25 жаштагы келинди зордуктаган деп шектелүүдө

Ош шаарындагы эс алуучу жайлардын биринде эки жарандын жаагын сындыра уруп, бирөөсүнө жеңил жаракат келтирген шектүүлөр 25 жаштагы аялды зордукташкан. Бул тууралуу SUPER.KG порталына Ош ШИИБинин басма сөз кызматы билдирди.

Ош шаардык соту тарабынан шектүүлөр үй камагына чыгарылган. Бирок бизге 25 жаштагы А.Б. аттуу келинден аларга карата арыз түштү. Арызда аны эркине каршы зордукташканы жазылган. 29-июндан 30-июнга караган түнү Кылмыш-жаза кодексинин 105-беренеси (саламаттыкка атайылап анча оор эмес залал келтирүү) менен
айыптары угузулуп, тергөө жүрүп жатканда бул жарандар кайрадан кармалышты. Ош ШИИБинин тергөө тобу шектүүлөрдүн үстүнөн 129-берене (зордуктоо) менен кылмыш ишин козгоп, 48 саатка убактылуу кармоочу жайга киргизди.

"Кылмышка шектүүлөр: Ош шаарынын тургундары 25 жаштагы Ж.Б. жана 24 жаштагы А.Б. Бул жарандар уюшулган кылмыштуу топтун активдүү мүчөсү катары атайын тизмеде турат", - деди маалымат катчы.

Автор: Айсалкын Качкынбекова