Кеминде жол кырсыгы катталып, 21 жаштагы келин жана 1 жашар кызы каза тапты. Унаанын айдоочусу тойдон келе жатып уктап кеткени айтылууда

Бишкек-Нарын-Торугарт унаа жолунда жол кырсыгы катталып, жаш келин бир жаштагы кызы менен каза болду. Бул тууралуу SUPER.KG порталына Чүй облустук Жол кыймылынын коопсуздугун камсыздоо бөлүмү билдирди.

Маалыматка ылайык, жол кырсыгы бүгүн, 1-июль күнү таңкы саат 04:30 чамасында Кемин районунда катталган.

"Бишкек-Нарын-Торугарт жолунун, тактап айтканда, Кемин районунда Toyota Avensis унаасы менен келе жаткан 60 жаштагы А.А. аттуу айдоочу жолдун каршы тилекесине чыгып кетип, Чүй облустук Жол кыймылынын коопсуздугун камсыздоо боюнча башкармалыктын кызматкери айдап келе жаткан BMW-525 унаасын сүзгөн. Машинанын ичинде аталган кызматтын дагы бир автоинспектору болгон. Кырсыктан Toyota Avensis унаасында кетип бара жаткан 21 жаштагы келин менен бир жашар кызы каза тапкан. Алардан сырткары, айдоочу жана дагы эки жүргүнчү жаракат алып, ооруканага жеткирилген".

"BMW-525 унаасынын айдоочусу жана анын жанындагы автоинспектор Боом капчыгайында иштеп, кайтып келе жаткан. Рулду башкарып бара жаткан кызматкер оор абалда жандандыруу бөлүмүнө түшүп, жанындагысы жаракат алган. Ал эми Toyota Avensis унаасынын айдоочусу үйлөнүү тойдон келе жатып, уктап кеткен. Бул жол кырсыгы боюнча Жол кыймылынын коопсуздугун көзөмөлдөө боюнча башкармалыктан тиешелүү экспертизалар дайындалып, тергөө иштери башталды", - деп билдирди аталган башкармалык.

Автор: Айсалкын Качкынбекова

07:30 02-07-2018

Жазылуу

РУБРИКАДАГЫ СОҢКУ КАБАРЛАР

00:00 2025-06-18 | Түркүн дүйнө

Трамп Иран боюнча бир катар билдирүүлөрдү жасады 919 0

23:49 2025-06-17 | Түркүн дүйнө

Түндүк Кореяга алгачкы ирет Орусиядан поезд жөнөп кетти (видео) 580 0

23:30 2025-06-17 | Түркүн дүйнө

АКШ аралаша баштады... Иран Израилдин эки шаарына эскертүү берди 1633 0

23:22 2025-06-17 | Саясат

Садыр Жапаровдун Астанага болгон иш сапары аяктады 232 0

23:03 2025-06-17 | Түркүн дүйнө

Иран Израилге жаңы ракеталык чабуулун баштады 1375 0

22:45 2025-06-17 | Түркүн дүйнө

Индонезияда Левотоби жанар тоосу атылды (видео) 455 0

Архив

Комментарийлер (8)

aidinaernur

2018-07-01 16:14:17

Кудай озун сакта
Ажалы авариядан экен да
Жаткан жери жайлуу болсун
Жапжаш омурлор кыйылып кете бериптир

pyeon hwa

2018-07-01 16:56:53

Ар бир 50км сайын тыныгуу учун Эсалуучу жайларды ачкыла! Кореяда ошондой экен!

NURTILEK_KG

2018-07-02 01:11:31

pyeon hwa,эс алуучу жай ачсанда токтошпойт баарибир уйго эртерээк баралы деп.

Miroslav

2018-07-01 17:34:55

МАИ кызматкелери карама каршы тилкеге дайым эле айдашат жолдун кожоюунубуз дегенсишип.Иликтеп текшерседа гражданский адамдар куноолу болушат.Уктап кеткен тойдон келе жаткан деп бир тараптуу кунолуу болуп калыптыр.

Jypara55

2018-07-01 22:10:24

Miroslav,Туура айтасыз, азыркы заманда оозу кыйшык болсо да байдын уулу суйлосун болуп калды

Aidar151080

2018-07-02 07:56:24

Урматтуу журналисттер, каза тапты эмес, каза болду же каза болгон деп жазсаңыздар.

meku9205

2018-07-02 09:12:40

кундон кунго кырсыкдар кобойудо

monster_high_98

2018-07-02 10:52:43

Тойдон жон келбеген окшойт да

-1

Комментарий калтыруу үчүн өз ысымыңыз менен кириңиз же каттоодон өтүңүз.