Кыргыз балбаны Бактияр Акбердиев грек-рим күрөшү боюнча Дүйнө чемпиондугунда 5-орунду ээледи

Кыргыз балбаны Бактияр Акбердиев өспүрүмдөр арасындагы грек-рим күрөшү боюнча Дүйнө чемпиондугунда 5-орунга ээ болду.

Хорватиянын Загреб шаарында өткөн Дүйнө биринчилигинде Кыргыз өлкөсүнөн 7 спортчу катышып, тилекке каршы, медалдарды тагынганга үлгүргөн жок.

51 килограммга чейинки салмак ченинде күч сынашкан Бактияр Акбердиев коло медаль үчүн күрөшүүгө мүмкүнчүлүк алып, анда жеңилүү ызасын тартып калды. Акбердиев алгачкы беттеште япониялык Ватару Сасакини 12:10 эсебинде, чейрек финалда түркиялык Микреман Актастын үстүнөн 6:2 эсебинде жеңишке жетип, жарым финалда индиялык Сайон Мейтелге 0:10 эсебинде жеңилип калды. 3-орун үчүн беттеште Бактияр Акбердиев казакстандык Мерей Малиткановго 1:2 эсебинде утулуп, 5-орунга ээ болду.

Кыргыз балбандардын көрсөткүчтөрү:

45 килограммга чейинки салмак ченинде:

1/16 финал: Акыйкат Кулжигит уулу - Берат Бийиктазим (Түркия) 8:4;

1/8 финал: Акыйкат Кулжигит уулу - Илья Канзяков (Белорусия) 9:0;

1/4 финал: Акыйкат Кулжигит уулу - Гурбан Гурбанов (Азербайжан) 6:2;

51 килограммга чейинки салмак ченинде:

1/8 финал: Бактияр Акбердиев - Ватару Сасаки (Япония) 12:10;

1/4 финал: Бактияр Акбердиев - Микреман Актастын (Түркия) 6:2;

1/2 финал: Бактияр Акбердиев - Сайон Мейтел (Индия) 0:10;

3-орун үчүн беттеш: Бактияр Акбердиев - Мерей Малитканов (Казакстан) 1:2.

55 килограммга чейинки салмак ченинде:

1/16 финал: Нурмухаммет Абдуллаев - Мерт Илбарс (Түркия) 2:3.