Сапар Исаковдун адвокаты тергөөчүлөр шантаж кылып жатканын айтты

УКМКнын камагында отурган Сапар Исаковдун адвокаты Нурбек Токтакунов тергөөчүлөр шантаж кылып жатканын билдирди.

"Сапар Исаков менен жолугушууга барганымда ал мага төмөнкү окуяны айтып берди. 13-июлда саат 11де ал УКМКнын тергөөчүсү Кубаныч Сабыровдун иш бөлмөсүнө жеткирилген. Тергөөчү өзү иш бөлмөсүнөн чыкканда, өзүн Илим деп тааныштырган УКМКнын кызматкери Сапар Исаковго "адвокат Токтакуновдун кызматынан баш тартууну" сунуштаган. Эгер баш тартпаса, Викиликс сайтындагы Исаковдун аты аталган мурдагы маалыматтардын негизинде кылмыш ишин козгой турганын айтты УКМКнын кызматкери. Сапар Исаков бул сунуштан баш тартып, тергөөчүлөрдүн бул шантаж аракетин жалпыга жарыялоону тапшырды", - деди Токтакунов.

УКМК бул маалымат боюнча азырынча жооп бере элек.

Эске салсак, 26-апрелде Сапар Исаков Бишкек ЖЭБи боюнча козголгон кылмыш ишинин негизинде күбө катары УКМКда сурак берген. "Бишкек ЖЭБи боюнча менин күнөөм бар деген сөздөр чындыкка дал келбейт" деп билдирген. 14-майда Сапар Исаков экинчи жолу суракка барган. Анда УКМКга кирип баратып "саясий куугунтук болуп жатат" деп айткан.

29-май күнү Исаковго "коррупция" беренеси менен айып тагылган. 5-июнда Сапар Исаков УКМКга бешинчи ирет суракка чакырылып, ошол күнү соттун чечими менен тергөө абагына камакка алынган.

Ал эми 13-июнда Бишкек шаардык соту мурдагы өкмөт башчы Сапар Исаковдун иши боюнча Биринчи Май райондук сотунун чечимин күчүндө калтырган.

Автор: Нургазы Аматов

10:30 17-07-2018

Жазылуу

РУБРИКАДАГЫ СОҢКУ КАБАРЛАР

12:00 2025-06-17 | Түркүн дүйнө

АКШ-Иран сүлөшүүсү күтүлүүдө 38 0

11:55 2025-06-17 | Түркүн дүйнө

Чоң жетиликтин лидерлери Израилди колдоого алып, Иранды айыпташты 166 0

11:41 2025-06-17 | Түркүн дүйнө

Бир жаштагы ымыркай 9-кабаттан түшүп кетип аман калды 346 0

11:27 2025-06-17 | Түркүн дүйнө

35 жаштагы киши акыл тишин алдыргандан кийин каза болуп калды 525 0

11:26 2025-06-17 | Кылмыштар, кырсыктар

Интернет алдамчылыгына шектелген жигит кармалды 219 0

11:05 2025-06-17 | Коом жана турмуш

Жапаровдун учагы Астанага конду 326 0

Архив

Комментарийлер (3)

nuri1

2018-07-17 11:08:35

Акмактар. Мунун баары Сокенин тапшырмасы менен болуп жатат.

admin_superstan

2018-07-17 13:11:15

sirgak_92,
1. Маалымат кайталанып жазылган эмес!
2. Порталдын ЖАЛПЫ ИШМЕРДҮҮЛҮГҮНӨ байланыштуу сын-пикирлер же сунуштар болсо portal@super.kg электрондук дарегине жазылып жөнөтүлүшү керек.
3. Порталдын колдонуучуларын чаташтырууну максат кылган билдирүү калтырууга тыюу салынат!
5 күн БАНга!

Aikaaaa

2018-07-17 15:35:17

Ушу жаш балдарды иштегенге мүмкүнчүлүк бербейбиз. Басып турушубуз керек. Өзүлөрү эле кыйын. Көралбайбыз

Комментарий калтыруу үчүн өз ысымыңыз менен кириңиз же каттоодон өтүңүз.