Түндүк-Түштүк кошумча жолун салып жаткан компаниянын күйүүчү майларын тоногон айылдык кеңештин депутаты кармалды

Тогуз-Торо районунда Түндүк-Түштүк кошумча жолун салып жаткан кытайлык "Чайна Роуд" компаниясынын күйүүчү майларын тоногон адамдар кармалды. Кармалгандардын бири Сары-Булуң айыл аймагында 1981-жылы туулган А.О. аттуу айылдык кеңештин депутаты. Бул тууралуу SUPER.KG'ге Жалал-Абад ОИИБинин маалымат кызматынан 18-июлда кабарлашты.

Маалым болгондой, 12-июлга караган түнү саат 1:30 чамаларында Тогуз-Торо районунун Көк-Ирим айыл аймагынын тушунда Түндүк-Түштүк кошумча жолун куруп жаткан кытайлык "Чайна Роуд" компаниясынын 48 жаштагы кызматкери өзү жалгыз иштеп жатканда ал жерге Казарман айылы тараптан Спринтер үлгүсүндөгү унаа менен 30-35 жаштагы бир нече адам келишкен. Алар кытайлык жаранга күч колдонуп, андан кийин күйүүчү майлар турган жайдан күйүүчү май куюлуп турган 3 челекти жана 20 литрлик 25 даана канистрди унаасына салып кетип калышкан.

Жыйынтыгында кытайлык жаран алган жаракатынан улам ооруканага кайрылса, компания тонолуудан улам 48 миң 800 сомдук зыянга учураган.

Тогуз-Торо РИИБи окуянын негизинде тоноочулук фактысы боюнча кылмыш ишин козгоп, 14-июлда РИИБ жана Жалал-Абад ОИИБи тарабынан шектүү катары 4 адам кармалып камакка алынган. 15-июлда райондук сот алардын баш коргоо чарасын карап, үй камагына чыгарууну чечкен.

Автор: Жамалидин Парманкулов

13:24 18-07-2018

Жазылуу

РУБРИКАДАГЫ СОҢКУ КАБАРЛАР

12:00 2025-06-17 | Түркүн дүйнө

АКШ-Иран сүлөшүүсү күтүлүүдө 38 0

11:55 2025-06-17 | Түркүн дүйнө

Чоң жетиликтин лидерлери Израилди колдоого алып, Иранды айыпташты 166 0

11:41 2025-06-17 | Түркүн дүйнө

Бир жаштагы ымыркай 9-кабаттан түшүп кетип аман калды 346 0

11:27 2025-06-17 | Түркүн дүйнө

35 жаштагы киши акыл тишин алдыргандан кийин каза болуп калды 525 0

11:26 2025-06-17 | Кылмыштар, кырсыктар

Интернет алдамчылыгына шектелген жигит кармалды 219 0

11:05 2025-06-17 | Коом жана турмуш

Жапаровдун учагы Астанага конду 326 0

Архив

Комментарийлер (6)

ruslanz

2018-07-18 13:34:59

ЖКнын депутаттары аз келгенсип,эми айылдык кенештин депут-ры дагы тоносо анан кантип олко онолсун.Депутат аттуларды эмне кылыш керек.

zevs

2018-07-18 14:21:55

ХХХХХХХХХ joldun jarym solyarkasyn uurdap tonop koydu uje. karagan adam jok milisiya bolso uurular menen bir karmap bersen da ertesi dalil jok dep chygaryp jiberiwet.

-1

Tolkun555

2018-07-18 14:22:52

Депутат

cholpon119966

2018-07-18 14:31:59

Депутаттын кичинеси ачык ууру, чону маданияттуу ууру. Ошол Казармандын жаны Жолунда баратсааан эле бир маалда кенен жолун кууш тартып кеткен болот. Мамлекетти карызга батырып жол куруп, фокус корсотуп жатышат...

Jelezo

2018-07-18 20:08:27

Ошондуктан айылдык кенешке депутат кылып билимдуу маданиятуу адамдарды шайлаш керек,эптеп эле биздин уруунун баласы же биздин айылдын кулуну деген принципти кармабай.

Ayjan.Akyl

2018-07-19 01:00:55

Jelezo,Эн туура биздин айылга дагы менин классташым депутат болду.))))))Ой он бирди аран буткон))))))).Бирок агалары донболчу да.

Комментарий калтыруу үчүн өз ысымыңыз менен кириңиз же каттоодон өтүңүз.