Ошто таанышынын унаасын айдап чыккан 21 жаштагы жигит жолдогу дарактарды сүзүп, 19 жаштагы кыз каза болду

Ош шаарында 21 жаштагы жигит таанышынын унаасын айдап чыгып, жол кырсыгына кабылды. Кырсыктын кесепетинен 19 жаштагы кыз каза болуп, айдоочу оор абалда ооруканага жеткирилген. Бул тууралуу Ош ШИИБинин басма сөз кызматы билдирди.

Маалыматка ылайык, жол кырсыгы 20-июлга караган түнү болжол менен саат 03:00 чамасында катталган.

"Ош ШИИБинин нөөмөт бөлүмүнө Ош шаарынын Шакиров көчөсүндө жол кырсыгы катталгандыгы тууралуу маалымат келип түшкөн. Факт боюнча ыкчам тергөө тобу окуя болгон жерге барып, алгачкы териштирүү иштерин жүргүзүшкөн. Анда айдоочу Ош шаарындагы кафелердин биринде иштеп, убактылуу шаарда жашап жүргөн 21 жаштагы А.У. экендиги аныкталган. Ал Кара-Суу районунун Кашкар-Кыштак айыл аймагына караштуу Мөөнөк айылынын 28 жаштагы тургуну Э. уулу Н. аттуу таанышына таандык болгон Хундай Тускани үлгүсүндөгү унаасын айдап, Ош шаарынын Шакиров көчөсүнөн түштүктөн түндүккө карай бара жатып, рулду башкара албай дарактарды сүзүп токтогон. Анын кесепетинен унаанын алдыңкы отургучундагы жүргүнчү 19 жаштагы А. кызы Г. окуя болгон жерден каза болгон. Ал эми айдоочу А.У. денесинен оор жаракат алып, Ош облустук клиникалык ооруканасынын жандандыруу бөлүмүнө жаткырылган. Учурда абалы оор", - деди маалымат катчы.

Бул жол кырсыгы боюнча Ош ШИИБи тарабынан соттук-медициналык, соттук-автотехникалык экспертизалар дайындалып, тергөө иштери жүргүзүлүүдө.

Автор: Айсалкын Качкынбекова

09:56 22-07-2018

Жазылуу

РУБРИКАДАГЫ СОҢКУ КАБАРЛАР

17:53 2025-06-17 | Саясат

Садыр Жапаров "Борбор Азия – Кытай" саммитине катышууда 40 0

17:35 2025-06-17 | Коом жана турмуш

Блог: Петра – таштан жаралган тарых 979 0

17:17 2025-06-17 | Коом жана турмуш

Суу шалаакылыкты кечирбейт! ӨКМ суу коопсуздук эрежелерин сактоого чакырат 87 0

16:53 2025-06-17 | Бизнес-Инфо

Киреше алып келген QR-төлөмдөр: ишкерлер үчүн Компаньон Банкынын акциясы 110 0

16:41 2025-06-17 | Кылмыштар, кырсыктар

ИИМ Камчы Көлбаевдин инисинин кармалышы боюнча маалымат берди 714 0

16:15 2025-06-17 | Түркүн дүйнө

Иран Израилдин чалгындоо кызматынын имаратына сокку урду (видео) 1622 0

Архив

Комментарийлер (16)

Bolotbek1991

2018-07-22 10:00:56

Акырын айдабайтда ошол ролго отургандар

Rifle_I

2018-07-22 18:10:14

Bolotbek1991,кызынын жанында мактанайын деген окшойт да.

izdeim_seni

2018-07-22 10:11:12

Аллахым мындай кырсыкты эч кимдин башына салбасын! Байкуш жигит, сүйлөшкөн кызы менен жүргөн окшойт. Кыздын жайын жаннаттан кылсын! Экөөнүн тең ата-энелерине сабыр!(((

+16

Chagylgan1

2018-07-22 14:41:54

izdeim_seni, биринчиден жигит байкуш эмес, кыздын бейажал олумуно себепкер кылмышка шектуу... Болбосо шаар ичинде уруксат берилген максималдуу ылдамдык саатына 40 км. Бул ылдамдыкта бакты сузгон кундо да коп болсо бампер талкаланып, радиатор тешилет ашып барса... Демек жигит шаар ичинде опкосун колуна кармап, кеминде саатына 80-100 км ылдамдыкта унаа айдаган...

Rifle_I

2018-07-22 18:11:49

Chagylgan1,
Жол эрежесин окуп коюңуз, населенный пункт 60км.саат, мектеп, бала бакча 40км.саат.
Эл жашаган жерлер 20км.саат.
Трассада 90км.саат.
Анча мынча туура эмес которуп жазып койдум окшойт.

-1

monster_high_98

2018-07-22 10:45:05

Жолдо баратып бири биринин к03ун тиктебей,жолду карайт да!!!

Blackmoon

2018-07-22 10:57:03

Коопсуздук курун тагынган эмес да. Бизде өзү курду тагынбайт айдоочулар аларга западло го. Бир эле айдоочулар эмес жүргүнчүлөр да

+15

Missing-u

2018-07-22 13:25:13

Blackmoon,шаар ичинден ремень такпайт себеби ылдамдык 50-60тан ашпашы керек
жол эрежеси боюнча

-1

Aza17

2018-07-22 15:45:18

Missing-u, Коопсуздук кур тагылат. Шаар ичинде 50-60 журсон каршы тилкеде да 50-60 журот. Кудайсактасын кокус кагылышп кетсе 100-120км саат болот.

Aikaaaa

2018-07-22 12:44:45

Ушу коопсуздук курун тагынбай канчалаган киши каза болушат. Көрүп эле жүрөбүз качан гана ГАИни көрүшкөндө ийинине илимиш болуп, өтүп кеткенден кийин кайра коё берип коюшат. Водителдер өзүлөрү. Анан башкаларды айтпай эле коёлук. Ал ГАИлер үчүн жазалгандай

Chagylgan1

2018-07-22 13:09:46

Кандай заманга калдык, олкодо мыйзам иштебесе, элдин адеп-ахлакы бузулуп жатса...Болбосо айдоочу шаар ичинде бара жаткан сон жол эрежелерин сактап унаа айдаса ушундай жол кырсыгы орун алат беле?!!ХХХХХХХХХХ ХХХХХХХХ

+13

jiku_83

2018-07-22 14:16:30

Chagylgan1, азаматсын. ачуу чындыкты жазыпсын!

maralum93

2018-07-22 15:12:57

Chagylgaнn1, ачуу чындык....

ailin_2017

2018-07-22 14:49:18

себеп дегенибиз менен Аллахда сактанганды сактайм дейт.

Numi

2018-07-23 04:35:41

Ал кыз менин бир тууганым! мага ошибкасы жок идеально болосунарго экрандын артында туруп! ХХХХХХ ХХХХХХ сен нени билесин кыз жонундо???

admin_superstan

2018-07-27 09:28:33

Жеке айтышуулар үчүн купуя кат бар! Бидирүүлөр тазаланды!

Комментарий калтыруу үчүн өз ысымыңыз менен кириңиз же каттоодон өтүңүз.