Орусиялык ырчы, Мамлекеттик Думанын депутаты Иосиф Кобзондун абалы оор

Орусиялык ырчы, Мамлекеттик Думанын депутаты, музыкалык-коомдук ишмер Иосиф Кобзондун абалы оор. Бул тууралуу чет элдик басылмалар жазып чыкты.

Маалыматка ылайык, буга чейин, тагыраагы, 18-июнда Иосиф Кобзондун ден соолугу начарлап онкологиялык борборго кайрылган. Дарыгерлер медициналык текшерүүдөн өткөргөндөн кийин ырчы ооруканада дарыланып жаткан. Бирок бүгүнкү күнгө чейин анын абалы оор бойдон калууда.

Белгилей кетсек, 2005-жылы Иосиф Кобзондун рак илдети менен жабыркагандыгы аныкталган. Учурда химиялык терапия жолу менен дарыланууда. Ал эми жубайынын айтымында, акыркы учурда ырчынын абалы начарлап калган, мындан улам ооруканага жаткан. Ал 3 ай сайын медициналык текшерүүдөн өтүп, дарыланып турарын кошумчалаган.

Автор: Бактыгүл Момбекова