Футзал боюнча клубдар арасындагы Азия чемпиондугу: Оштун "EREM" командасы алгачкы беттешинде атаандашын ири эсепте жеңип алды

Индонезиянын Жокьякарта шаарында өтүп жаткан футзал боюнча клубдар арасындагы Азия чемпиондугунда Оштун "EREM" командасы алгачкы беттешинде атаандашын ири эсепте жеңип алды.

Аталган мелдеште 16 өлкөнүн чемпиондору катышып, алар 4 тайпага бөлүнүп күч сынашууда. Анда Кыргыздын "EREM" командасы "С" тайпасында жайгашып, таиланддык "Чонбури Блувейв", катардык "Аль Салия" жана австралиялык "Вик Вайперс" командаларына кез келген.

1-турдун алкагында "EREM" командасы катардык "Аль Салия" командасы менен беттешти. Беттештин жүрүшүндө "EREM'дин" оюнчулары 4 гол киргизсе, каршылаштары 1 гол менен гана жооп бере алды. "EREM" командасында Эмиль Канетов, Юлдаш Салимбаев, Акбар Каземи жана Максат Алимов айырмаланышты.

Кийинки турдун алкагында Оштун "EREM" командасы 4-августта Таиланддын "Чонбури Блувейв" командасы менен ойнойт.

"С" тайпасындагы беттештердин тизмеси:

1-тур:

"Чонбури Блувейв" (Таиланд) – "Вик Вайперс" (Австралия) - 9:2;

"Аль Салия" (Катар) – "EREM" (Кыргыз Республикасы) - 1:4.

2-тур, 4-август:

13:00. "EREM" (Кыргыз Республикасы) – "Чонбури Блувейв" (Таиланд);

17:00 "Вик Вайперс" (Австралия) – "Аль Салия" (Катар).

3-тур, 6-август:

17:00 "Чонбури Блувейв" (Таиланд) – "Аль Салия" (Катар);

17:00 "EREM" (Кыргыз Республикасы) – "Вик Вайперс" (Австралия).