Орусиялык "Руки вверх!" тобунун ырчысы Сергей Жуков күйөрмандарынан кечирим сурады

Орусиялык "Руки вверх!" тобунун белгилүү ырчысы Сергей Жуков социалдык тармактагы жеке баракчасына ден соолугу начарлап жатканын айтып, август айындагы концертин жылдырды. Бул тууралуу орус маалымат каражаттары жазып чыкты.

Маалым болгондой, ырчы июнь айынан бери ооруканада дарыланып жаткан. Бирок ден соолугу жакшырбай эле оорлошуп кеткендиктен операция жасатууга мажбур болууда. Сергей Жуков күйөрмандарына "Мен төшөккө жатып калган жокмун, кабатыр болбогула. Болгону дарыгерлер дагы дарыланышым керектигин айтты" деп билдирген.

Ырчы август айында концерт тартууламак. Ден соолугуна байланыштуу ал концертин жылдырып, социалдык тармактагы баракчасы аркылуу күйөрмандарынан кечирим сураган.

Автор: Бактыгүл Момбекова