Боом капчыгайында унаа жолдон чыгып, аңга оодарылып түшкөн

Боом капчыгайында унаа жолдон чыгып, аңга оодарылып кетти. Бул тууралуу SUPER.KG порталына Чүй облусунун жол кыймылынын коопсуздугун камсыздоо башкармалыгынын маалымат катчысы билдирди.

"Бүгүн, 5-августта Бишкектен Ысык-Көлдү көздөй бараткан Toyota Mark II үлгүсүндөгү унаа жолдон чыгып кетип, аңга оодарылып түшкөн. Унаанын ичинде айдоочудан башка эч ким болгон эмес. Айдоочу 1949-жылы туулган Орус жараны болгон. Окуя болгон жерге "Тез жардам" кызматы барган. Бирок айдоочу "жаракат алган жокмун, баары жайында" деп медициналык жардамдан баш тарткан. Учурда кырсыктын келип чыгуу себептери такталууда" , - дейт басма сөз кызматы.

Автор: Бактыгүл Момбекова