Жайкы Азия оюндары: Кыргыз суучулу Елизавета Рогожникова жарышта 27 спортчунун арасынан 15-орунду ээлеп калды

Кыргыз суучулу Елизавета Рогожникова Индонезияда өтүп жаткан Жайкы Азия оюндарында 100 метр аралыктагы жарышта финалдык этапка өтө албай калды.

Бүгүн, 20-августта сууда сүзүү боюнча мелдеш старт алып, анда 7 медалдар топтому ойнотулууда. Анда 100 метр аралыктагы жарышта Кыргыз суучулу Елизавета Рогожникова катышып, тилекке каршы, финалдык этапка өтө албай калды. 13 жаштагы спортчубуз 27 суучулдун арасында 15-орунду ээлеп калды.

Буга чейин Рогожникова 200 метр аралыктагы жарышка катышып, 12-орунду ээлеп калган.

Автор: Нурсултан Нурболот уулу