Америкалык актриса Женнифер Гарнер Голливуддун Даңк аллеясынан жылдызчага ээ болду

"Тыңчы" сериалындагы ролу менен атактуулукка жеткен америкалык актриса Женнифер Гарнер кино тармагына кошкон салымы үчүн жеке жылдызчасына ээ болду.

Эми Голливуддагы Даңк аллеясында актрисанын жеке жылдызчасын көрүүгө болот. Муну менен Женнифер Гарнер кино тармагына кошкон салымы үчүн жылдызча алгандардын катарына 2461чи болуп катталып калды. Белгилей кетсек, актриса "Кочкул жалбыз" тасмасында башкы ролду жараткан. Аталган тасманын жабык көрсөтүүсүнө 18 күн калганда актриса жылдызчага ээ болду.

Автор: Бактыгүл Момбекова